DAY 7-英法單人之旅 07年6月17-巴黎

又係9點幾起身啦~ 好好陽光! 又要落地鐵站買張 MOBILIS 今日係星期日~ 

巴士底會有早市~ 我當然要去逛逛睇下有咩買啦~ 有巴士直達巴士底! 

一落車就見到七月柱啦~

周圍望下市集向邊....發現自己係無寫底點去...向網上睇過下資料啦~ 當還未知方向之際~ 有個晒緊太陽既伯伯~用法文同我講野~ 我諗都係問我去邊啦... 我唔識MARKET 法文...

唯有講英文啦~ 跟住佢REPEAT 幾次MARKET 指左個方向~  我講聲 MERCI 就行啦~

果然無錯~ 行一陣就到啦~ 去到見到好多人啦~ 首先我當然留意野食啦~ 見到有好多生果呢! 

每一樣都平過 SUPER MARKET 好多!

好似蓮花~好想買比呀媽...但仲有好幾日先返香港...都係放棄... 士多啤梨軍團!

行左一陣見到D人來過都買來食既海鮮飯啦~ 

原來佢仲有其他野食

好多款既橄欖... 好多海鮮~不過都有D 野向上面飛下飛下...唔敢買啦~

我最想買既係呢D!! 好想食!! 但成日咁長...買左可以點呢? 都係無買...唉!!

右面D蕃茄好靚呀~ 成抽咖~

仲有好多款菜~ 無影到!

跟住見到個伯伯向到炸好似油炸鬼既物體... $2 EURO 6條佢即刻炸咖...比左錢佢係即刻炸咖! 

但佢炸緊既時候...我發現係可以買 $1 EURO 3條...味道OK咖~ 真係超熱! 不過我食唔晒啦!

行到市場中間見到有位可以坐...即刻坐底食剛剛買既野食啦~ 仲可以對住七月柱!

法國人可能唔鐘意同狗剪毛...我見過好多隻都係D毛遮晒隻眼...隻隻都長髮咖~

兩色CHERRY $2.5 EURO~ 比紅色個D味道清D! 野食 TOTAL 買左 $9.51EURO一D都唔平啦~ 

個飯OK啦~ 唔會太大期望! 最貴就係個飯~ 

薯仔同腸仔就好好食啦~ 

食完個早餐行多陣就走了~

 

 行返出去搵坐間CAFE 飲下野~ 順手去埋TOILET! 支PERRIER 飲左幾啖比人收左...我去左TOILET佢以為我 唔要啦... $3.8 EURO! 真係..................

搵唔到巴士搭唯有搭METRO啦~ 好難得見到向地面既METRO!

搭兩個站就去到HOTEL DE VILLE 市政府站啦~ 一出就係市政府啦~ 呢間政府都幾靚下~ 

依家係中午 12點幾!個太陽超晒!! 我仲有D熱! D人向附近晒太陽...... 

影完相走得啦~ 搭返 METRO 去 CHARLES DE GAULLE-ETOILE

一出就見到凱旋門啦~  坐向佢對面樹下面休息一陣!

去到凱旋門下面當然好多人! 搵左一陣先知向邊到買飛上去!!

我已經向樓下休息夠先行上去啦! 但我呢D真係十年都唔運動既人行上去仲慘過跑10分鍾羅! 

前後既人無一不行到索晒氣...一上去即刻要坐下...諗起都辛苦!!

巴黎!英國! D天氣真係變得快! 今朝超好陽光! 依家又黑啦個天!

條街會唔會乾淨左D!

新凱旋門無咩興趣無去啦~ 佢條電梯攪到我成日都覺佢好似未起好咁!  

日頭既巴黎鐵塔真係唔係好靚! 我諗天氣好D會好D既!

好多人仔呀~ 哈哈! 向上面成9個字啦~ 咁辛苦上到去~ 幾大都留耐D!

走既時候開始落雨啦! 我今日無帶傘呀... 今朝咁好陽光! 坐向巴士站等左10分鐘都無車...

算當避下雨啦! 之後都係要搭 METRO!

下一站就去左紅磨坊影一影張相走啦! D雨又大左...攪到無心機行啦~

之後搭多兩個站去埋 ANVERS 上去聖心堂! 點知纜車唔開...

向好大雨既情況下我都唔想行上去啦... 行回頭食晚飯!

諗住影張相算啦~ 放棄唔上去啦~ 聖心堂比睇相無咁白呢!

跟住搵間餐廳食野啦~ 6點食晚飯都唔會太早啦?

法國麵包不可少啦~ 我叫左個洋蔥湯! 

個湯入面有3塊芝士麵包~ 個湯都幾好飲呀~ 真係超多洋蔥~ D湯入面仲有芝士! 好得意啦~ 

主菜 蘑菇忌廉豬扒蛋闊麵! 汁~面同薔茄都好食!! 塊豬扒真係有D乾~食左少少無食了~ D闊麵食得出係新鮮咖~ 完全唔同HK食開個D! 有咬口同蛋香啦~

食完叫多個西米布丁...飽死了! 今餐食左 $19.5 EURO 

食完都只不過6點幾... 仲好大雨呀! 見呢到同民宿好近... 搭METRO 返去羅傘啦!

我都有諗過買傘既...但七,八十蚊一把傘...用一次...自己又有傘都係返去羅啦~

羅完傘返去... 纜車都係唔開...咁唯有行啦!

好彩呢到行上去唔辛苦~ 一陣間就行到啦~

教堂又係免費參觀! 但入面唔比影相咖! 

我見到呢幅畫忍唔住偷偷影啦~ 佢係超大幅咖! 實物睇好靚咖! 

參觀完教堂就睇下出面既風景啦~ 望落去全部都係屋! 天黑我諗都幾靚!

 9點走啦~ 聽晚返倫敦啦~ 返去執好行理先!