時間差不多啦~ 我地要去 SENTOSA 啦! 雖然依家有輕鐵入去但我地都想搭纜車入去啦~
搭的士去到搭纜車個地方! S$9.7 個司機都唔係車到我地去搭纜車棟樓...
只係放左我地向商場! 仲要我地自己搵...!!
商場行去 TOWER TWO 時見到D纜車好細架呀~
去到 TOWER TWO 完全無指示邊到買飛! 我地同一個外國人都上左去後又要落返去買飛!
纜車底下景色真係唔得啦! 好多地盤整緊野咁! 我諗以前D景會靚好多!
要比錢上既觀光塔! 無咩興趣~ 可以慳D!
睇書時己經諗住要玩啦~ 我都唔知叫咩車...一程快車一程吊車 每人S$9
朋友仔先頭唔肯玩咖...話驚...講左好耐我話可自己控制快慢先肯玩! 帶個頭盔個職員教一教我地點控制快慢就可以出發啦~ 原先以為好快玩完~ 原來都幾多彎位同幾遠開落去~ 玩完一次都好想玩多次呢~
落到最低就係沙灘啦~ 我都無期望佢係水清沙幼~ 但又真係幾多雜草定水草下...
我有行落水~ D沙都好粗下...朋友仔唔知坐左向邊了~
之後搭返吊車返上去啦~ 朋友仔好驚啦...好高下...親D想打我!
返到上去竟然見到有孔雀羅! 相個隻條尾大長上唔到台食野~ 不停行來行去~
天未黑去搵埋隻超大既魚尾獅! 搭左幾次電梯先去到底! 佢真係超高羅! 但我覺得佢唔識噴水就唔係好得啦~ 再夜D佢隻眼識發光...我同朋友仔都覺得超恐怖!
時間差不多搭輕鐵去返沙灘到買飛準備睇SHOW啦! 每人S$6
我地睇7.40PM 個場~ 入場時超多人啦~ 成個場都坐滿晒人~
成個 SHOW 都幾好睇啦~ 用水,用投影, 激光, 噴泉 做 SHOW 好特別啦~
最尾D火球,煙花噴泉都好勁!
睇完散場啦~ 走啦~ 表姑收工啦
~ 我地約好左向邊到等啦!
見到表姑佢同朋友仔立即沖去行街啦!! 佢地係SUPER SHOPPING一簇~
我呢D跟班仔都買左對涼鞋啦! 不過太夜啦~ 行完鞋舖同 TOP SHOP D舖收晒 LU!
跟住去左四馬路行左個圈買左D野食手信啦~ 入面D野同女人街個D無分別~
真係可以唔駛行呢!!
表姑介紹 紫色個D蘇做手信啦~ S$6.9一包十個! 好食咖!
不過佢係馬來西亞出產!比我向吉隆坡見到係平一半羅!! SHIT!!
龍蝦片又係表姑介紹我無買啦~ S$2.9一包! 超大塊! 鞋盒咁長!
朋友仔私人司機話好好食! 大家見到可以買既!
本來諗住向附近搵野食咖~ 但來回行左一次都睇唔岩食咩好!
由於D野食唔岩加上時間唔早~ 最後決定去老巴剎!
首
先我地遠離地鐵站~ 打算搭的士啦~ 但等左兩個字都無的士...我提議行返去搭地鐵啦! 但表姑都係想搭的士~唔想行~
咁我地去返商場的士站啦...嘩! 多人到呢! 等左兩字都好似無人上過車... 等到我都真係好想去搭地鐵!!!
最後又等多兩個字呀表姑原來有CALL 的士既電話但無打羅...我真係有D想打人! 最終係要CALL的士先有車...
打咁大段野都係想話比大家聽! 新加坡晚上係好難有的士咖! 全部都要CALL 先有羅! 商場附近梗加係!
最後11點先去到老巴剎! 好在都仲有好多野食! 表姑同朋友仔分頭去買野食~
我就坐向到等食同睇住D野啦!
今餐好多都係表姑比~ 所以我都唔知幾錢! 最好食係串燒同魚蛋啦!
食完返到去都好夜LU! 聽日仲要去接朋友仔呀媽...表姑呀媽機...
去到 TOWER TWO 完全無指示邊到買飛! 我地同一個外國人都上左去後又要落返去買飛!
最尾D火球,煙花噴泉都好勁!
沒有留言:
張貼留言