第五天07年10月5日 新加坡吉隆坡食食食之旅!

早餐供應到10點半! 9點鐘落到去食早餐啦~ 不過唔係太多選擇~ 

都係D大路野啦~ 唯一特別就係佢D煙肉唔知點解可以咁瘦!

食飽執好野我地就去左買車飛返新加坡先! 我地去左唔係落車個到既地方...第二個BUS 站! 整左半個鐘先買好! 一人RM$60 下午三點車無啦! 得五點車都要搭啦!

買完好順利上左的士去我地今日既目的地 SUNWAY LAGOON 既水上樂園! 的士收 RM$25! 但比之前問過RM$40平好多了!

呢到個商場都好大呀! 行左半個鐘到大家都買左D野!

一點鐘啦~出發去水上樂園! 向酒店問下人就搵到路落去! 

搭幾層電梯到啦! 望落去都幾大! 入場費每人$45

 原來都唔係好多野玩...首先佢D大水泡係要比錢咖! 一圈RM$5 兩圈RM$10

無咩玩係因為佢D滑梯係一定要兩個人一齊玩...朋友仔死都唔肯同我玩...咁我係睇住無得玩! 得一個比較短既滑梯可以一個人玩...我唯有去玩幾次補返數啦~

其他時間都係浸向水, 坐住水泡浮下~ 玩左3個鐘到啦~ 4點沖亮走人啦!

行返上商場大家都餓啦! 搵下有咩食啦! 最後揀左呢間CAFE餐廳!

見好多人都向到食 CAKE 仲要好大舊下! 單叫CAKE好似係 RM$5! TEA SET RM$10包熱茶OR凍咖啡! 問可唔可以轉其他野飲一味話NO...咁算啦~ 試一試飲咖啡啦...

來到竟然係齋啡...真係......

個CAKE 我叫左香蕉朱古力蛋糕! 好大舊幾好食! 朋友仔叫左個黑椒雞扒飯都幾好食! 今餐食左 RM$25.88

食完又向商場行多一陣就走啦! 去的士站問左一架RM$30出返市區...

見都係多$5蚊都唔問第二架有無平D啦!

落車時發現溜左部相機向的士到...好彩落車時司機比左佢電話我地CALL的士...

即刻打比佢...佢話會比返我叫我企向落車到等佢...佢車緊客...

我都打定輸數無咖啦...我今次無買旅遊保險先唔見野...等左四個字仲未見...

打多次比佢...仲車緊客...佢話一定比返我咁我咪繼續企向到等羅...

最後企左一個鐘...終於羅返相機啦...我比左RM$40佢... 

太好啦可以羅返...即刻對馬來西亞印象好返D!

羅返相機即刻去搵朋友仔啦~ 終於有返D心情陪佢行街啦~ 行到9點幾~ 佢買野買到無錢! MONEY EXCHANGE 收晒~ 太好啦~ 可以唔駛行~兩個人得返 RM$70 要食D平D既晚餐啦!

朋友仔話一定要食一餐炒河炒麵...明明話向商場唔係好遠行左三,四個字都搵唔到...佢又唔肯食其他野...最後都係搭的士

終於去到書介紹 大樹頭蘇記炒粉 佢係無MENU咖...有個講廣東話既人招呼我地...我就問佢我得RM$60夠唔夠食...佢話夠晒啦~ 叫晒書介紹個三樣野!

 個到無冷氣! 叫個汽水涼一涼啦!

一人一個超大的紙包雞d肉好滑好甜! 陣味好熟但又醒唔起似咩! GOOD!

鎮店之寶滑蛋牛河 

生蝦炒麵

個蝦炒麵好好食啦~ D麵超脆! 唔似香港個D得一半脆! 點埋汁食到尾都脆扑扑! 

係個蝦普通D 唔夠爽! 滑蛋牛河都OK... 唔係唔好食...但叫鎮店之寶就...

比起蝦炒麵就普通D啦! 今餐只不過 RM$33

食飽飽十點幾返酒店LU!

今日咁早返來我去浸下浴缸抖一抖啦!

之後大家打下NDSL 執好行裝聽日下午返新加坡啦!

今日唯一戰利品! 只不過RM$15.92 太平了! 留返去澳洲用!