今日係去藏王滑雪~ BOOK 左 8.00AM的巴士! 1500YEN 大概90分鐘車程!
7點半落1樓LOBBY食免費早餐~ 有幾款飯團, 幾種麵包~ 盒裝鮮果和菜沙律~ 乳酪, 牛奶~ .....
仲有其他! 都算不錯啦~ 食D未食過的飯團~ 加埋其他十分之飽啦! 麵包都幾好食!
雖然呢到無溫泉~ 但有早餐~ 抵返啦!
豉油飯團真係好難食!!!
向酒店行條直路就去到 JR仙台和巴士站! 
經過之前和將會再住的 HOTEL APA HOTEL!
上到巴士同司機點名就會話你知座位NUMBER! 1500 YEN 就落車時先入落錢箱!
巴士行了差不多一小時四周都變晒雪景啦!
到達藏王巴士站後是打算自己行去溫泉酒店!
去到觀光中心羅地圖時已經聽到不少香港人說話啦~ 我本來係打算問路!
個叔叔問我住邊間HOTEL就同我聯絡HOTEL D人來接我啦!
佢帶我去返巴士站等車...原來酒店人員剛剛接緊一大班香港人...
佢地個個自備雪具太多行李! 酒店要兩架VAN仔車人同行李~ 好快就出發去酒店啦!
原來去酒店條路不斷轉彎上斜...行上去真係唔知要行幾耐!
CHECK IN 時當然未有房啦~ 放好行李~ 羅埋兩日滑雪纜車PASS準備好~
酒店人員又車我出去借雪具先啦~比錢租好三日板同鞋 [7500YEN]
酒店姐姐羅我對鞋返 HOTEL 先啦!
陪伴我三天的 SNOWBOARD! 10點半可以開始滑雪啦!
一早上網睇左不少技巧...紙上談兵真係唔得咖...自己玩左半小時已經完全放棄!
係無可能識滑咖...明明冰天雪地...都玩到成身熱! 係跌到熱...哈哈!
自學不能就比錢搵人教啦! 1點半先有班...12點半先可以報名 3500YEN 2小時...
我唯有自己跌多陣先!終於捱到差不多夠鐘啦...鎖晒D頸巾相機向LOCKER就去搵老師啦!
老師係位日本姐姐啦~得我一個人上堂~ 3500YEN 一對一簡直係超值!
向室內佢教左我著鞋上板先! 之後做埋熱身運動就出發啦!
我地去到一個比較少人同遠D既地方! 單腳上板學好D基本滑行姿勢~ 跌低當然小不免啦!
大家多數都日文加動作溝通...英文真係得好少...有D動作真係學極學唔識~
向條小斜路學轉身我真係唔得羅...望唔到前面真係唔得咖...個時都覺得會唔會學唔識!
之後學識小小左右 MISS 就叫我一齊搭纜車上雪道啦...單一次上雪道300YEN!
上到去簡直覺得無可能滑到啦...覺得好斜啦!! 好似學左一陣間咋WOR!...
上到去兩隻腳都要上板啦~ MISS 捉住我隻手教我落斜~減速~ 停! MISS 捉住就無問題啦~
一放手就~哈哈~~ 之後學之字滑行反而好快就得啦...不知不覺就滑到底啦~
MISS就問上唔上多之山~ 因仲有大半小時~ 原來咁快就算學識左...真係有D意外!
第二次上山又要300 YEN 啦~ 今次要學埋自己起身...呢個對我來講真係有D難...
我唔夠力向前起身...如果得就方便好多! 我只識背路起身...又唔識控制隻腳...狠狠趺左幾次!
之後慢慢好D 好快就滑到底啦~ 剛剛鐘夠落堂啦~ MISS 叫我練習多D!
休息一會之後又比錢上雪道啦! [300YEN] 今次得自己一個當然驚啦...
背住起身成日忘記腳尖用力...所以成日跌...趺多幾次終於記得! 情況先好轉啦~
最後都安全滑到底~ 好開心~ 今日滑雪都算成功左啦...
由於要叫酒店車我返去~ 所以5點我就去雪具舖同我打電話啦... 不過佢地好好人~ 店主個仔車我返酒店啦! 真係唔該晒!
好快就返到酒店~ 羅好房 ~ 問埋食飯時間~ 羅行李上房啦!
入到房佢都算係我住過最古老既酒店~ 不過都算乾淨!
仲有個有火既煤氣暖爐可以吹乾D衫!
今日只係食左早餐都有D餓啦~ 食個DONUTS先!
見天未黑就去酒店個溫泉到影張相先~ 視察下環境! 大家都未滑完雪返來~
溫泉一個人都無~ 出面仲好多雪呀!
參觀完就去餐廳食飯啦! 今餐真係意料之外無諗過有咁多野食!
佢D野食唔係一次來晒~ 一路食一路來~ 一路食一路影啦!
清水SHABU SHABU真係難為唔食豉油既我...好彩D牛肉真係好有牛味!
上面個係味菜魚柳~ 刺身係牛肉來咖...不過我滾左來食~ 哈哈!
肉雲吞湯都有~
番茄漢堡GOOD!!
甜品CHEESE CAKE 同圓個粒係雪到冰既荔枝...哈哈
今餐菜式比較家庭式咁~ 又中又日... OK啦~ 食到我好飽~ 上房休息下就去浸溫泉~
返房睇電視~睇下D雪道~ 早D訓啦!
有用資料: 藏王大平酒店/大平ホテル
沒有留言:
張貼留言