寄存好個o急向酒店就帶埋後日去滑雪的行埋9點出發啦~
本來打算慳返300YEN LOCKER 錢放D野向酒店...
由於太懶唔想搵...唔想行~都係放向JR LOCKER 到啦!!
今日都凍咖~ 不過比起禁日D狂風我今日就唔覺凍啦!
仲有檔蟹湯好多人食~ 不過無買啦~ 北海道都食過了!
行左一半經過一間 かき小屋 2000YEN任食燒蠔,,,我真係好後悔食左墨魚丸啦!!!
飽到食唔落啦!! 呀!!
向 JR 落車時就見到有 AEON 城啦~ 當然要去行下啦~
買左少少野就行去搭船啦~ 由於夠鐘開船啦~ 趕唔切影相! 搭船個碼頭都有好多野行咖~
會去既朋友可以留D時間行下~ 仲有燒蠔食!
時間其實仲早...4點到...但我好 支力啦...唔想行...就搭 BUS 去今晚食BUFFET 既酒店...
巴士100YEN咋...好過要我行! 食完個米餅真係唔餓啦...
個BUFFET5點半開始...我就向酒店LOBBY到坐下行下手信舖!
間酒店仲有免費果汁同酒飲~休息左好耐啦~ 夠鐘啦~ 食啦! 不過真係唔係好餓...米餅累事了!!
樣樣野都好食...不過野食款式唔算好多! 同埋最緊要既係我食錯左BUFFET...
我想食個BUFFET 係中,日,洋都有...我食錯左只係日式呢個...真係......
不過呢到款式唔多但樣樣都好食!
甜蝦好鮮~ 仲有卵咖! 燒蠔好有蠔味!
仲有好鮮甜既蟹腳! 天婦羅皮薄夠熱夠脆! 海膽都OK!
帶子唔係燒過會好D! 不過今日唔餓如果食得多D蟹腳會好D!
今餐係 4800YEN 佢收平左我啦...正價係5880YEN 正價如果得呢D野就覺得好貴啦!
食飽飽都未夠7點...差不多有班火車返仙台...但無BUS我要行去車站啦!
行返去車站都成兩,三個字... 酒店落返大馬路好多彎位...
仲要行埋條短行車隧道~ 如果早多一個字走就追到班車...
不過算啦~ 等下班啦!
返到仙台羅返行李就去揾今晚既酒店啦! コンフォートホテル仙台東口
今晚住一晚既酒店~ 星期日特價4900YEN到包埋早餐! 仲好近搭巴士去藏王!
剛剛做緊篤姬!
呢D帶上藏王溫泉酒店食咖!
有用資料:
松島ベイクルーズ 塩釜>松島船WEB SITE & COUPON
好正嘅blog 我會常常來
回覆刪除[版主回覆05/27/2008 00:45:00]多謝你~ 來多D! 仲有好多未寫!
你好,見到你既網誌,你是自己一個人遊日本同韓國嗎?偑服啊!
回覆刪除[版主回覆05/27/2008 00:44:00]你好! 一個人旅遊很多地方都可以去~ 你都可以咖! 唔難WOR! 我都是日韓劇迷! 睇左起碼10年日劇啦! 韓劇呢兩年都睇左唔少!
D 相好清楚,見度D 就想食。仙台好凍 (.口羊)? 你連頭都包住!
回覆刪除[版主回覆05/27/2008 14:09:00]香港十幾度D人都包住個頭~ 我得兩,三度都應該包住個頭!
D 元貝係生食 ga?
回覆刪除咁細舊,點夠呀? (酉) 店用 LCD Mon ga?
[版主回覆05/27/2008 14:07:00]呢個DONUTS 來咖WOR! 好多酒店都LCD MON 咖啦!
D 海鷗有無落炸彈呀?
回覆刪除[版主回覆05/27/2008 14:10:00]無WOR 佢地好忙要食~ 唔得閒放炸彈
回覆刪除Sorry, 係我懶惰, 我應該 copy 埋張相至問野!!
D 元貝係生食 ga?
點解你咁易到特 (.賈) ge? 今餐係 4800YEN 佢收平左我啦...正價係5880YEN 正價如果得呢D野就覺得好貴啦!
回覆刪除[版主回覆05/28/2008 20:29:00]佢自己計平我...佢話幾錢我咪比幾錢LAW!
回覆刪除吾知 D 蠔.得吾得 le? 好似好細 wor? No comparison ah!!!!
[版主回覆05/28/2008 20:28:00]唔細咖! 十分之有蠔味! 勁好食~
JR locker 可以放幾耐牙?
回覆刪除[版主回覆05/28/2008 20:28:00]凌晨12點前
又係我呀,我之前自己去過韓國江原道個邊,真係幾好架。個時撞正 SARS,所以個 PACKAGE好抵!!!呢幾年就同我老爸去自遊 WALK。。。通常都會分頭活動,再 JOIN 埋食飯。。。
回覆刪除[版主回覆05/28/2008 20:25:00]SARS個時我仲未羅特區護照~ 哈哈 好努力賣緊水晶!
我真係好想再去韓國....但一人PACKAGE太貴了! 之前睇左江原道HIGH ONE 滑雪團! 但好貴! 所以先去左日本...你都好呀可以同老豆一齊出PACKAGE~~ 我下次之去韓國想去8-11日~ 去埋濟州島~ 有無睇太王四神記? 我都幾想去個片場~ 下次去韓國係韓劇之旅~ 咖啡王子個D一定要去!
A。。。又係我呀,我 ADD 左你做我 BLOG 友,希望你唔介意 仲有如果你一個人可以淨買機票,然後再自己係個邊住 MOTEL,D MOTEL OKAY 架,約 W35000 ~ W40000 一晚,有時可以再平小小。遇著有約 HK$ 1700 去 seoul 機票,加自住 MOTEL 都唔算貴,去濟州島可以係個邊至買內陸機票,因為每日都有好班機去架,約 HK$800 單程。。。
回覆刪除[版主回覆05/28/2008 20:46:00]多多謝你ADD 我!
1700 我覺得貴~ 依家國泰成日特價 1560去日本~
我BOOKMARK 左住個D地方咖啦~ 都係 W35000-40000
不過未有錢~ 遲D先PLAN! 好多地方都想去~ 哈哈!
嘩~~ 你d hello kitty 手信多成咁......... 果然係大掃貨....
回覆刪除[版主回覆06/04/2008 04:33:00]我十分之憎HELLO KITTY...不過有錢搵無理由唔買咖!
請問你住呢間酒店, 係咪每間都有獨立廁所架?
回覆刪除佢可唔可以幫我keep行埋架?
謝謝
[版主回覆10/03/2008 13:54:00]yes~ 當然~ 房仲好寬~ 基本上間間都可以同你keep 行李~ 無問題~ 我向九洲同一集團都keep左兩次幾日~ 無問題
咁...想請教下, 我十二月份去仙台的話, 仲有冇得摘草梅食架?
回覆刪除[版主回覆10/03/2008 16:06:00]NO 1月開始...不過應該都開始買到草莓食
請問可否唔搭船行去過去福浦島?行橋要比幾多錢?
回覆刪除Thanks!
[版主回覆11/18/2008 23:12:00]向松島唔駛搭船咖...我向 塩竈去先要搭船去松島咋...你真係要睇下d字 我寫左咖wor... 最後去埋福浦橋! 過橋要錢咖! 200YEN!
Thanks You! 我以為你係坐船過去福浦島,等我又試下去先:)
回覆刪除呀,請問你知唔知日本邊度有海鮮市場可以可以即買自助即燒? (比個炭爐你燒)
Thanks!
[版主回覆11/19/2008 11:51:00]和歌山睇書有個樂園有一個類似...不過都好似係一SET SET 買來燒... 其他未見過...任食燒蠔就有..不過唔係炭爐...係一大塊鐵板
想問松島張coupon, 係咪一定要指定時間架?
回覆刪除[版主回覆11/25/2008 12:54:00]咩coupon呀? 搭船個張?? 邊班都可以~ 有船就ok啦!
我入到你松島個網址, 填個時, 要寫埋幾點喎..
回覆刪除我唔識日文..翻譯又唔係咁清楚
請問我點print出黎
謝謝
[版主回覆11/25/2008 14:58:00]就咁print 出來...之前唔駛book ...now 就唔知啦...我都係比print 個張紙佢咖咋!
而...我諗多了...謝謝
回覆刪除