DAY 6 仙台藏王8天 08年2月26日

昨晚早早入睡~ 抖足精神啦~ 訂房時話貸切風呂有DISCOUNT 1000YEN 40分鐘~ 

咁就BOOK 左7.20-8.00 其實唔BOOK係無問題...咁早一個人都無! 

不過一早預約左見都係1000YEN 就算啦~ 當影下相~

呢到露天風呂設施都幾古老! 係無花灑...無得沖身洗頭...只有木桶比你沖下身再浸溫泉~ 

藏王溫泉係有琉黃成分可去疲勞~ 美肌 和其他很多功效!

浸完溫泉八點九啦~ 去食早餐啦~ 唔算十分之多野食~ 夠飽啦!

整整下十點先出發! 出發前預約埋今晚去睇樹冰!

車上面有對夫婦係hk人...早餐佢地坐我隔離~ 不過依家先同佢地打個招呼!

今日首先唔係滑雪係坐纜車上藏王山頂沿途睇樹冰! 

酒店叔叔車左我去山麓站先~ 都要10分鐘車程咖!

WOW 入到去超多人~ 估唔到呢! 本地旅行團...滑雪團...老人團...個個都想上山~
今日滑雪纜車 PASS 開始用啦~ 都忘記影低... 好似八達通嘟下就得咖啦~

排左半小時終於迫到上車啦~上山頂需要兩程纜車! 第一程比較迫無位同無樹冰睇!

今日天色白濛濛~ 雪粉粉~ 第二程就每人都有位坐纜車比較密啦~

幾分鐘後就到達藏王山頂! 做好防風準備就行啦!

出面周圍都白濛濛! 十分之大風~ 大部份路都圍住~ 跟住指示行就可以啦!

來藏王當然不可缺少同藏王像合照啦!

遇到幾位台灣人大家同大家影下相啦! 到此一遊

圍住叫人唔好過~ 都有人行上山...其實會唔會好危險?

影完相盡快落山啦~ 又風又雪~ 落山得我一個一架纜車...

隔住玻璃係濛濛地啦~ 一大片樹冰! 

還有一程纜車落山~ 點知大風...唔開住...咁就去左呢條22號初級雪道佢長過昨天練習既雪道! 有五百幾...六百米長...諗住死就死啦...去啦...只多行返落來啦~ 哈哈!
搭左好耐滑雪纜車...一行出去...呃晒啦...係斜過禁日個到好多呀...

咁唯有影下相安慰下自己先啦... 仲要轉個彎先去到斜路!雪道兩旁都係樹冰!

好啦相都影完啦~ 咁死就死啦~ 點都要試下滑...可能訓甦咩都忘記左啦~ 不停趺呀趺~
雖然唔係好痛但成日滑左一陣都重重趺底真係唔係好明... 跌左好多次先去到斜路起點!

人都跌到有d灰...一面呆樣...坐向雪地睇下風景仲學人砌下雪人...

不過好難砌 d雪係咁散 好難先砌到個比較醜樣的雪人仔!

我同唔到風景合照~ 雪人仔頂上!

 

 

   最後終於想起起身要腳尖用力...轉返身先用腳掙跌多兩次終於好順利落到尾啦!
最後呢條幾百米既雪道係滑左個幾鐘...真係行落去都快d! 哈

搭返纜車落山無電話打返酒店~ 見到有野食舖就食個咖哩烏冬先 600yen!

咖哩味好濃~ 烏冬好彈牙~ 掂! 食完就叫個店員同我打電話返酒店車我啦! 

等左兩個字到叔叔車返我去昨天 上之台 到滑雪~

我好難先向纜車影到相咖! 又捧住塊板~ 又要除手套~ 又要羅相機...
返來呢到~ 經過今朝的重創好快就次次都順利滑落山啦~ 練習下要停就停...

不過一路滑就一路凍...有時都覺得自己羅o黎...哈哈!

約好酒店叔叔五點雪場車我返酒店~ 一返到酒店就開餐啦~ 今晚一齊睇樹冰HK夫婦都食緊~

大家閒聊一返! 昨天食牛~ 今日食豬~ 日本豬肉都比較有肉味不錯啦!

不過今日好似無昨晚咁多野食~ 但食完都飽啦~
食埋晚飯6點半到~ 上房休息一會~ 準備好就7點 LOBBY集合~
晚上的樹冰全日纜車 pass 係唔包咖~ $2500yen 一位包來回纜車一共四程~

酒店買會有少許折扣 $2350 yen ~ 呢張明信片就係入場卷啦!

基本只有在山頂站先看到樹冰~　燈光都是靠纜車站上的有色的大光燈照射~　
所以太遠的樹冰是不會看到~　由於太大風雪~ 影相有點難度! 能見度都不是太高!
我地三個都無帶手套...諗住睇一陣唔駛啦...點知影相個時就知死...簡直d手指係凍到唔識影相...出左站比朝早更凍更大風...d雪係咁吹去塊面到...
晚上的樹冰比較清晰~ 因白天又風又雪見的都是白濛濛~

這三張是在纜車站上cafe shop 隔窗拍~ 所以會濛一點~ 但不用被大風雪所吹!

整程時間大概個半小時~ 酒店車會在山下接我啦~ 當然你都可以自已去啦~

    

今日小小戰利品~