第四天[下] 08年4月10日關西中國四國九州

睇完櫻花~ 睇完橋~ 行去搭巴士走啦~ 剛剛見到巴士開來...又要追巴士啦!

去到 JR岩國 差不多有火車所以直沖入站啦! 大概15分鐘就去到 JR宮島口啦!

出站行3分鐘到就去到 JR宮島船碼頭~

就快有船啦~ 用 JR PASS 係免費~ 太好啦!

一上船見到對岸好大霧~ 

遠遠已經見到鳥居....見到鳥居附近有人影~已經退左潮!

又見到三景碑啦~ 日本三景去左兩景啦!

行左無耐就見到有鹿仔啦~ 不過得一隻咁大把...仲要唔知點解好似咁瘦~ 

佢好得意一邊有角一邊無角...成日好可憐咁望住你!

五點可能比較夜啦~ 唔少店都收左~ 賣蠔仲有一,兩間未收咋...即刻買來食先!

焼かき 即係燒蠔 400YEN 算平啦~ 見到幾檔都係500YEN~ 來一客啦! 佢即刻燒咖~ 

等蠔時有兩個外國人想買又唔知點好...我就懶勁用英文介紹比佢~ 哈

燒蠔對面有隻好大既匙??? 觀光地圖有介紹...早 D 來會幾多野行既! 好多都收左啦!

燒左成個字燒得啦~ 好熱咖! 即刻食~ 超好食! 好鮮甜...又夠晒咸...打算回頭食過!

就快行到去嚴島神社啦!

其實我唔知咁快就退晒潮...官方話六點半干潮~ 我以為5點鳥居仲會向水入面~ 六點幾可以影埋無水既鳥居...實在諗得太美好...哈哈!

又有小鹿鹿啦~ 先頭行手信街都唔覺有野係買比鹿食...我真係好想餵你地咖!

去到嚴島神社啦~ 好紅呀~ 入場費300YEN~

無晒水既嚴島神社...我其實中意向水上既嚴島神社多D! 比較特別...

  全神社地下都係木板好難想像佢係日日向水上面~ 真係好厲害!

好多人行去鳥居~ 我又無打算行去...仲有其他野未行呀~

向入面慢慢行~ 好寧靜啦~ 因為真係無咩人~

圍繞神社以行~ 通向其他地方~有條小溪仔加櫻花~ 環境真係唔錯!

我最喜歡的垂櫻~不過佢仲未好大棵~

 出口對面還有寺廟

 

行去搵埋最後一個目的地五重塔~

走時又見到兩隻鹿~ 佢地好忙...成日唔知向地下搵咩食...有隻仲去到好高地方食野!                  

 

呢隻又向第二度出現~ 佢十分之乖~ 跟左我好耐呀~ 不過我都係無野比你食!

行下行下六點幾啦~ d燒蠔收晒啦!! 唯有走啦~ 向船上到影咖!

出返宮島碼頭見到有人跑...即係唔知咩就來開車啦~ 原來係路面電車就開...

我見雖然搭JR係快D但又要轉車~ 咁不如搭電車啦~ 1DAY PASS 可以搭咖~ 

搭左成個鐘~ 搭到訓著左~ 哈哈 

最後八點終於去到最後一個目的地啦~ 就係 お好み村

來呢到目的當然係食廣島燒餅啦! 成棟都係廣島燒~行左個圈間間都差不多...

無寫低睇書想食邊間就是但一間啦! 叫左最基本既 豚肉加蛋加麵 735YEN!

睇住女師傅炒下反下煎下~ 等下 ~ 

食得啦~ 新鮮熱辣! 第一下咬落去好脆呀! 好好食~ 本身已經中意食燒餅~ 

成日都想食有炒麵既燒餅~ 香港就算有都係完全唔熱~ 係無得比!

不過唔知可以放向鐵板到熱住來食~ 唔係會仲脆~ 食完好飽啦~ 好滿足!

 

搭返電車返 JR廣島站 羅返個o急搭新幹線去岡山啦~

一出站研究緊方向有個叔叔好熱心指路比我行~ 好快去到酒店啦! 

11點幾訓啦~ 聽日去四國啦!

今日戰利品!