第四天[上] 08年4月10日關西中國四國九州

由昨晚食完飯返民宿開始落雨落到今朝都未停~ 今朝雨都唔細~ 好彩民宿有唔少傘可以羅把用~ 早D去換埋未來十四天用既 JR PASS 出埋去岡山的車票~

 整完車票時間都好趕下...行去搭新幹線有點遠呀~ 個多小時車程當然要買定早餐食!

飯團 130YEN 豬扒三文治378YEN~ 買完佢地去到上車月台見到有便當賣...頂!

好在三文治都好好食~ 豬扒咁厚以為會乾身好鞋~ 點知好爽好好食喎~ 豬扒兩面有D酸汁~ 正!

 

食食下好快去到新大阪啦!

途中訓左一陣見有D眼訓都係一路訓到去廣島啦~ 原先打算慳返放行李既LOCKER錢去今晚住的岡山HOTEL放底個O急先...太眼訓啦都係比多幾百YEN 慳返D時間啦!

差不多到廣島啦~ 我個卡車係無晒人羅~

向車站羅好地圖問好向邊買一日乘車卷就去搵LOCKER放好個O急啦~

呢到LOCKER要落一層... 去到LOCKER 又唔夠銀仔...所以去買左個布丁先~

189YEN包得幾靚! 幾好食咖! 大 LOCKER 600YEN 放好晒野就出發啦搵電車站啦!

要過兩條隨道先去到電車站~ 車站有 1DAY PASS 買 600YEN!

廣島係路面電車~ 十分之好!! 搭10個站就去到 原爆ドーム~ 落車過馬路就到啦!

相信大家都知有二次大戰美軍在廣島上空投下原子彈夷為平地...

來到廣島大家都要來看一看這個當時的倖存的建築物原爆ドーム...

昔日被原子彈奪去生命的市民希望可以安息向依家環境優美既廣島之中!

從欄杆望入去見到都係一片頹垣敗瓦~ 大家都會停下腳步看一看!

接住順河以行會去到元安橋行過對岸就是平和記念公園

旗桿隔離有兩大櫻花樹~ 不少外國旅客向到合照!

一路向前行還有其他記念碑~ 平和記念資料館~ 

怕見到廣島原爆後太凄慘的狀況就無去參觀資料館~

過了資料館再行遠D過馬路還有一個記念碑~~

行埋最後一個記念塔就離開原爆范圍搭電車去紙屋町西搵廣島城了!

去廣島城要行成十幾分鐘才去到~ 途中看見樹上的果實好得意!

終於行到去廣島城啦...比起大阪城佢真係冷清得多...

入到城跡~ 地唔係太好行~ 落雨D 泥地濕淋淋~ 行左幾分鐘都見唔到有人...

行到廣島城下啦~ 種滿了櫻花~ 廣島城比D櫻花遮住晒

要行都好近先見到廣島城真身~ 不過原來廣島城係重建出來~ 因為原本個都比原子彈炸左...

雖然廣島城細細棟~ 不過加埋D櫻花即刻靚晒!

又係成地都係花瓣...走時終於見到有人來啦!

走時行去另一車站縮景園前~ 途中見到先前好得意既果實! 踩左一粒~ 好硬咖!

好清楚既電車圖! 可以搭去宮島口咖!

向八丁堀轉車返JR 廣島站 去下一站!

NOZOMI車位~ 好似飛機椅咁~ 仲有腳踏!

車到啦!

唯一支筆趺左~ 買左支廣島限定 MONCHHICHI筆好貴呀! 630YEN 佢比HELLO KITTY 仲呃錢!! 

上車前買左個便當 735YEN! 雞甜~ 蛋甜~ 我鐘意!

食完就落車啦~ 15分鐘好快就到左 新岩國!

一出站好似無觀光中心就無問下人邊到搭巴士~ 指一指見到巴士就開啦~
跑過去一上車就剛剛好即開!! 15分鐘車程到就到啦~ 280YEN!

岩國最出名就係 錦帶橋 賞櫻地方百選之一!日本三大名橋~有三大兩小的拱橋木橋!

遠遠見到對面沿河都係櫻花啦! 先要同橋合照一張啦~

有家人唔知向到撈咩!

過橋要收錢咖來回 300YEN!                   

等左好耐先無咩人~ 成條橋都係木來咖

上左橋好耐都搵唔到個人可以同我影下相...上面基本上都係婆婆伯伯...

行到對面~ 條橋高過晒D櫻花實在太好啦~ 我可以同櫻花合照!! 佢地係滿開的櫻花!

昨天向民宿CHECK 過8號都仍是滿開~ 今日係10號應該都係滿開啦~

一大片都是粉紅色的櫻花~ 靚呀!

呢面少D公公婆婆不過多左D一家人~

櫻花~ 櫻花~ 大家睇厭左未??

好叻影到三個灣~ 不過唔係斜會好D啦...哈哈

如果唔係雨天我諗D日本人一定會野餐!

睇完櫻花~ 睇完橋~ 時間唔早啦~ 要趕去另一目的地啦!