第五天-上 08年4月11日關西中國四國九州

今日懶左...趕唔到 8.24 JR去松山~ 咁遲一班車9.24啦~  寄存個o急向酒店 9點出發去車站啦~

昨晚酒店都ok呀~ 3800YEN一晚~ 好平!!

時候仲早~ 街都無咩人~ 今日無落雨實在太好啦!

酒店行去車站大概5-10分鐘啦~ 要行地下街過JR! 朝早唔可以亂過馬路...嘿

仲有成十分鐘先開車~ 時間充足 同 火車影張相先~ 同子彈火車差唔多呀~

向自由席搵個位坐啦~

月台上有便當賣~ 買左個牛肉便當~ 1100YEN 咖~ 未開車已經食緊啦...哈

D飯又甜又酸咁好岩我食~ 牛肉唔算好滑但甜甜地幾好食!

過橋啦~ 準備進入四國啦~ 天有D黑...唔好又落雨呀~~

其實未去月台前係買左個豬扒三文治便當 580YEN...不過見到牛肉便當又好想食...咁就買埋啦~

個三文治留左遲D食羅~

火車入到四國啦~ 天氣好好呀! 四周唔係田就係屋~

間中都見到一排櫻花~

火車好準時 12.11到左松山!

每到一個站首先就要羅地圖啦~ 之後搵路去酒店放低晒行李先~

搵酒店時行錯路見到隻懶貓~ 先頭懶到唔理我~ 影下佢摸下佢先坐向到望下我!

松山站去對面同搭電車係要過隨道...行錯又要過隨道來來回回行左幾次... 明明酒店唔係好遠都搵唔到...後來搞清方向就搵到路~

放好野出發啦~ 買個野飲先~ 手快快凍奶茶買左熱奶茶...好彩唔係好熱...120YEN

行去搭電車先見到 1 DAY PASS 要向車站買咖~
先頭無留意~ 又要行返去車站買! 300YEN好平下!

第一個目的地係去松山城! 先搭電車去到 大街道 !

路面電車真係十分方便~ 一落車就得~

路經的手信 / 精品~ 好多貓

呢間係學校來...真係睇唔出

今日好好陽光啦~ 真係好~ 行緊去搭纜車上松山城!

纜車站有唔少日式擺設~

纜車有兩種選擇~ 一種係大纜車要排隊要等車~ 另一種係一人吊車唔駛排即係走~

我當然揀吊車啦~ 不過要小心D我對拖鞋~ 哈 來回纜車加參觀松山城只係500YEN!

見到少少松山城啦~ 坐向個纜車到都幾開心~ 覺得好特別~ 好似去滑雪咁

半天吊都仲可以自拍~ 我都好怕趺左部機~  我自己幾中意呢張相!

大纜車係快好多~ 不過我都係中意自己一個坐!

上到去見到唔少櫻花好意外下~ 因為四國應該係開花先過大阪京都咖~

搭完纜車都要行唔少路上松山城咖! 唔只松山城高...佢D圍牆都幾高!

行到半路見D人野餐我又坐向木 [登]到食左我個三文治啦~

終於行到上去啦~

都好多櫻花呀~ 原來松山城都係賞櫻百選之一!

櫻花過左滿開時期~ 開始落啦D花瓣不停向樹上吹落地~

當然要同松山城影返張啦!

我覺得松山城都幾靚咖~

入場仲有張 POST CARD 送真係 VERY GOOD!

未上天守閤已經好清楚望晒松山市啦!

POST CARD 寫叫天主閣~ 唔係好高咖咋!

放箭既好地方~~

參觀松山城天守要換膠拖鞋~ 有 LOCKER 比你鎖低D野!

出發! 上落都係同一條梯~ 梯級好高要小心D呀!

上到去覺得古式古香啦~ 周圍都係木板~ 參觀下D舊式戰衣~ 武士力

 

仲可以繼續上咖~ 大家都行得好小心...

應該係武器來咖??

上到最高就可以睇風景啦~ 可以睇返先頭的櫻花園~

360度望返松山市!

落樓梯係比上樓梯危險真係要慢慢行呀!

最緊要打返個記念印~ 由於無紙 好彩有張 POST CARD!!

一路行都有櫻花~

走啦~ 落山啦~ 又搭返吊車落去啦~