第五天-下 08年4月11日關西中國四國九州

落返到車站跟住指示走~都有幾多野睇喎~

 

 

好有心思SHOW左好多日式擺設向到!

行返出去寄左張 POST CARD [70YEN] 返香港...係寄比自己~哈 順手同呀媽報平安!

之後搭火車去道後溫泉啦~ 左圖架火車好似星期六同日會行咖~

有個免費足湯一陣去浸下先! 仲有一座鐘

呢條溫泉街都算十分之現代了! 有好多賣手信商店!

呢個手制吊飾真係值錢...二萬幾YEN...真係有無人買呢??

仲有好多烏冬!! 我真係好想買!! 但仲有十幾日先返香港....

貓巴士係去道後溫泉咩?? 我真係唔記得啦!

行下睇下就到左道後溫泉啦! 來松山都係為左你咋!

咁早已經好多人浸溫泉啦~ 我就今晚先來啦~

溫泉隔離有野食買當然要睇下有咩食啦! 有日式魚蛋同魚卷~

各試一樣啦~ 要等下! 佢會即刻炸熱或整熱比你~ 兩樣加埋 640YEN

左手個叫大刀魚卷~ 食落去都幾好食~ 不過食食下發現佢有好多骨咖...我識食魚都食唔掂~

個魚蛋就好食~ 又彈牙~又熱! GOOD!

行返出去時買左個橙雪糕~ 應該係 300YEN~ 好食咖~ 好橙啦~

 入左觀光中心睇下有無印仔~係無咖~ 不過唔知點解有頂橋~

成身除左錢就係得相機...無毛巾無紙巾都走去浸下食腳先!

水唔係好熱~ 適中溫度啦~ 行下休息下又有得浸下腳真係好舒服~ 

浸左10分鐘到! 由佢自己吹乾啦~

著返鞋見刑好多人圍住座鐘~ 原來個鐘係識表演既~ 搭正12就會響音樂!

 佢好似識變身咁~ 一陣多D野~ 一陣又高D! 今次D日本人唔係講KIREI 係 SUKOI 凄い [厲害]

表演應該係三分鐘~ 睇完就走啦~

之後無咩做就搭電車去左高島屋行下啦~

見到幾百蚊一隻既宮崎芒果...仲貴過我一晚酒店!!!

其他生果樣樣都覺得好貴!! 橙可以成50蚊一隻...我真係唔捨得食!

比起橙西瓜都係百幾蚊~ 即刻覺得唔貴...但我應該一晚食唔晒隻西瓜既...

見到魚仔餅買左條食 120YEN...但好順手一羅起就食左...

向賣手信個層到試食左一陣~ 買左包特價海鮮餅就走啦!

差不多7點啦~ 搭電車返酒店羅房先~ 休息一陣羅齊野去道後溫泉浸溫泉啦~

話咁快~我又來啦~

剛好搭正8點又企滿人啦~ 睇左一陣就走啦!

因為道後溫泉呢條溫泉街比起日本其他溫泉街都算收得比較夜!

幾多人買飛入場!

入 到去勁白痴! 浸完先知自己完全攪錯晒次序! 應該上二樓神之階放底野羅浴衣去浸溫泉...
我上都未上二樓就去左浸溫泉啦~ 哈哈! 入面係浸過最多人既溫泉羅! 沖身花灑位都唔少咖啦...都仲要等~ 係光脫脫咁等沖身...如果同朋友一齊去我一定唔得羅!!! 沖完身就浸溫泉啦~ D水超熱...一定唔可以一次過浸落去...我怕會熟左...哈

由於D水太熱啦~ 浸下去沖暖水再浸過都係四, 五個字到...

之後就上左二樓神之階啦! 上到去隨便有位就可以坐~ 佢先會羅浴衣比你~

不過我話我攪錯左...沖左...啦~ 個嬸嬸笑住問我駛唔駛沖多次~ 哈哈

之後嬸嬸羅左茶同點心比我就行開左啦!

可以行出露台咖~ 全木制~ 幾古老~

樓下仲有舊石!! 影完相坐多陣就走啦~

全店都係1050YEN D日本公仔好抵羅...好大個...不過都係無買...

溫泉街D食店好多都收左啦~ 未收又睇唔岩~ 最後返左車站附近拉麵店食晚餐啦~

餃子加拉麵 880YEN 兩樣都OKAY啦~ 餃子都好脆好簿皮~ 拉麵間間都差不多啦!

食飽飽行兩分鐘返到酒店~ 十點都未夠睇下電視早D訓啦!