第六天 08年4月12日關西中國四國九州

19日行程今日算係最失敗! 睇落去就知幾失敗啦!

8.35 去到松山車站準備搭 9.01火車去宇和島~

車站入面有間烏冬就打算極速食埋先上車啦! 可能麵店老板知道大家都趕時間~ 個烏冬只係有少少湯濕濕地~ 又唔熱~ 可以食得超快! 雖然唔知係唔係讚岐烏冬不過大家都向四國~

 咁近都有可能係既~ 講返烏冬~ 好滑好彈牙好煙靱~ 

D烏冬仲好入味...10分鐘都唔駛就食完啦... 500YEN 食得好飽了!

仲趕到打印仔~ 仲有好多紙比埋你用...VERY GOOD!

準時開車~ 周圍又變左鄉村風景啦~

呢個大洲站都算多人落車~ 遠遠都影到個城呀~

好準時10.24分到左宇和島~ 來呢到主要係轉車~ 不過班車係11.33分 所以出去行下!

行去觀光中心時見到好大隻牛牛同火車呢!

租單車 100YEN 一小時都有D想租咖... 不過怕踩到盪失路! 都係唔好啦~ 

入到去睇下有咩睇啦~ 嘩! 入面有成十幾個記念印,,, 太多時間既我逐個給晒~ 哈! 

給完印仔見到可以免費用電腦上網! GOOD 呀~ CHECK下MAIL 打左篇短 BLOG~ 

玩左陣 FACEBOOK~ 就走啦~ 行返去車站

未夠鐘~ 不過去車站行下~ 其實係無野行~ 

得一間舖到~ D 牛肉罐頭幾十蚊一細罐... 如果唔係咁貴都想買一罐既...

可以上車啦~ 呢架車會沿住四万十川以行去到窪川站~ 

綠色個卡車要中途可以坐~ 得四十個位~ 所以一早BOOK左位...

開車啦~ 車程要成兩小時多D! 因為佢真係行得比較慢~ 

對於我呢D無得自駕既人~ 只可以火車觀光啦~

火車開無幾耐都見到河啦~ 不過仲未係好清!

隔離有位日本姐姐羅晒 D零食出來食~ 我都有得食! 係最喜歡的蜜瓜包~ 105YEN!

沿途不停會見到花呀~ 田呀~ 橋呀~ 水呀~ 人就真係唔多見!

不知不覺火車都行左一小時~ 我就坐向到係咁影相~ D水清左唔少啦

去到十川站可以出觀光車箱坐啦! 人就唔多加埋都無十個! 唔駛隔住玻璃影相啦!

中途都會停其他站~ 開車時都幾凍咖~ 入隨道仲凍~ 不過好彩無嵐山火車咁嘈!

 四万十川以“日本最後的清流”而聞名! 所以不停都係望住條河啦~ 

遠遠都見到D水係好清! D水應該會好清涼!

今日係懶人鐵道之旅~ 哈

火車去到土佐大正就要坐返入車箱啦! 仲有半小時車程!

 兩小時多終於到左窪川站啦!

一出站就行去隔離土佐窪川站買車票去中村站! 要 14.54先有車又要周圍去行啦!

 

其實周圍用腳行應該係唔駛行...行死我都無野睇... 

見到有野食就即刻好開心啦!

唔係因為有野食開心~ 係因為可以消磨下時間~ 入面一個人都無~ 除左店主老婆婆之外! 

睇左一陣叫左個日式炒麵~ 店入面真係好地道呀!

等食時影下相啦~ 左圖就係一陣既車票 1480YEN! 

其他就係向宇和島打既印仔!

有野食啦~ 日式炒麵~ 呢樣野真係好難會唔好食! 因為大家都係用同一個汁~ 

同~  第一次去日本時自己都炒過~ 不過無咁多料!  食飽比錢~ 500YEN!

14.54 有車啦~ 半小時多D就到左中村站! 今日最失敗既時間開始啦!

一出站就去觀光中心羅地圖...5小時 600YEN 租單車佢唔比我租了...話太夜...我諗住踩個半鐘都夠來回去河邊...無得踩..OH NO~ 唯有打埋個記念人再諗啦!

跟住就去睇巴士啦...今日星期六...三點幾班巴士無左... 下一班車4點幾先有...咁算啦~ 試下自己行啦~ 奈何佢張地圖真係太簡單...周圍都無指示行左10分鐘知道自己行錯方向行返去車站~

睇返正確方向個面一大條正路...仲要好似好遠下... 來回行埋要好多時間...

見搭火車都算睇過四万十川! 所以決定唔行啦! 4點幾有火車去高知...都係買車票走啦!

16.46先有車 周圍都無咩行~ 坐下捱時間...

去一去 中村 浪費左 1480YEN X 2 真係激死我了!!

2960YEN 就係去給左個印!! 真係 ^&$())*@#!(!!!!!!

宇和島 去 窪川 清流號 的意念品

18.33 到左高知啦! 終於搭完今日既火車啦!

月台落車站時發現麵包超人! 唔入站咪給唔到印??

向車站羅好地圖行去酒店先啦!

沿路行都唔多覺有人! 遠遠見到今晚住既酒店啦!

 今晚住日式房~ 一入去即刻攤左向地下! 開電視睇下~

做緊天才志村動物園! 隻秋田犬十個得意呀!! 即刻影低佢!

跟住仲有呀笨~ 勁好笑~ 睇埋先出街~ 哈哈!

最後成七點半先出去~ 先去高知城睇睇~ 電車一程190YEN

搭到縣廳前行一陣就見到高知城~ 不過好似好細咁!

次後就去搵既晚餐啦~ 睇地圖 D COUPON 揀左食燒肉~ 去到商店街附近都未搵到...

問人D人都唔知~OH 最後搵搵下搵到啦!

COUPON 係送啤酒~ 不過我要左可樂~ 

叫左牛舌~ 

豚トロ~ 

牛上カルビ~ 

牛舌最貴但竟然係靱! 可能佢雪到硬晒! 叫錯了!

豚トロ間間都咁好食! 牛上カルビ第一次食呀~ 超好食~ 真係好似人地講咁入口即溶! 

因為佢比較肥美~ 但真係超好食! 唔駛食飯都飽晒~ 今餐2450YEN!

食飽飽搭電車返酒店啦~ 又要190YEN 啦~返到酒店去浴場浸下浴~ 返房睇電視~ 訓啦!!