第八天-上-08年4月14日關西中國四國九州

今日一起身第一時間睇下出面有無落雨! 勁呀~ 一晚就落晒D雨啦!出陽光呀!!

今朝唔駛搭早車可以訓到8點幾先起身~ 最後9點到出門啦~ 

今日要換酒店呀~ 放個大o急向酒店! 袋好今晚要用既野去新酒店放低先~

 好快就搵到新酒店啦~ 點解要搬酒店?
因為高山祭d酒店14同15日都特別貴和好快比人book晒~ 昨晚住個間單人房一早無晒啦...

好難得搵到間唔算極貴又近車站既酒店!

放好野可以出發啦! 酒店隔離行少少就係國分寺! 所以好易搵到!

出發之後第一時間就搵早餐食啦~ 行返去火車站前的觀光中心問下邊到有朴葉味噌燒~ 

姐姐唔肯定咁早有無得食叫我去睇下!

火車站隔離有單車租打算租啦...點知兩個呀叔話今日唔比踩單車叫我唔好租...AR...

無得踩咁好啦...行啦...行左無幾耐就見到第一台祭車啦~

行到高山陣屋前有好多人聚集向到啦~ 見到有兩三台祭車停左向到!

9點幾已經人山人海~ 仲有好多外國人!

呢到仲有一個朝市~ 當然要行一行啦~ 不過唔係好多檔~ 賣D野都差不多

最特別見到有即批蘋果~ 食返個先! 好甜好脆的飛驒蘋果~ 50YEN

行完就見到對面有朴葉味噌飛驒牛肉燒定食啦! 1500YEN

一坐底就叫好餐~ 等一陣成SET放好! 好豐富的早餐!!

除左魔芋全部都好好食! D飛驒牛肉雖然無雪花但好淋好有牛肉味! 加埋味噌真係餸飯佳品! 

漬物加煮物又係好岩我食! 一大碗飯真係好易食晒!     

 高山陣屋要入場費~ 見好似無咩行就無入啦!

食飽飽要周圍影下D祭車啦!

架架車都金光閃閃~ 四周都人頭湧湧~ 影左陣都打算走了!

行過見唔少人排隊買飛驒名物牛肉串! 300YEN一串! 為起港幣廿蚊~ 但真係好好食~ 

老板娘即時燒不停~ 未食已經有肉汁滴出來~ 真係不得了! 食落去除左好食...都係好食! 

又係好淋~ 用左少少黑胡椒調味已經十分香口入味! 唔係咁飽真係想食多串! 讚呀!!

今次真係飽晒~ 就周圍行下啦~ 行緊去另一朝市!

另一朝市係宮川朝市~ 沿住溪流旁邊~

比起剛剛陣屋前朝市這裏規模當然大得多~ 但售賣既東西大概都是蔬菜水果~ 

漬物~ 糕點~ 各飾物手信~ 途中還見到 BLOG 友 ah 一家~ 打左個招呼!

左圖狗狗超迷你! 影左幾次都影唔到! 佢主人好好人叫佢企定定比我影! 好乖!

唯一買左即制七味粉! 因為真係太香! 中罐 SIZE 要1000YEN咖! 不過真係裝得好滿!

高山話大唔大周圍行下都唔會盪失路~

行下行下去左一條好多野食檔口既街~ 真係超多野食! 不過我真係好飽行下就算!

行返到酒店附近啦! 入左國分寺行個圈!

呢到唔係掛木牌~ 係掛飛驒公仔! 真特別!

由呢到開始有D相ERROR 搵唔返啦 ~.~

行完國分寺就去返火車站出面濃飛巴士站搵車去飛驒之里! 

來回車票加飛驒之里入場卷係 900YEN 佢會即時 PRINT 比你~

9分鐘車程就到飛驒之里~ 呢到賣點就係有幾間合掌屋啦~ 

由於無時間去白川鄉~ 咁去飛驒之里睇下合掌屋都好既!

 一入場有個日曆同飛驒公仔比你合照~ 日子相又無左...

有自費麵包條比你餵鯉魚~ 但未掉麵包佢地都游晒向到等你!

唔知點解咁大個湖只有一隻天鵝!

合掌屋可以參觀咖~ 不過要換鞋先! 一入去見到燒住D木~ 好古式呀!

仲可以上屋頂~

迷你合掌屋! 送比我就好羅!

打井水~ 都要幾用力先可拉佢上來

我行得比較馬虎半小時就行完走啦! 等車中!