第十三天-下08年4月19關西中國四國九州

日本人買水晶中意買一粒粒石仔...但都好貴下!

行返出大路~ 又經過之前間士多啤梨園~ D士多啤梨都係青BB...

左面D唔知咩花~ 好高咖!

又係唔知咩花...應該唔係桃花...呀..

行返二十分鐘又返到去阿蘇白川站啦~ 一間木屋就係個站啦!

等車途中又係影下D山鄉景色~

我都幾鐘意呢張相!
有車啦~ 唔駛影啦~大家都見過架車~ 今程都要410YEN咖

呢到就係先頭條橋下面啦! 好高下咖!

後面觀光卡滿晒無得坐一日好似得兩班...

14.21到返立野站啦! 行去對面轉車去阿蘇啦!

好遠好遠見到D大風車~

周圍都好多山~ 但都唔知咩山打咩山!

半小時就去到阿蘇啦!

去左ASO田園觀光博物館 睇下仲有無巴士~ 因為原先無打算上阿蘇火山

羅左時間表仲有最後一班車上阿蘇火山! 除左我仲有幾個韓國小姐同幾位外國人!

向ASO田園觀光博物館入面有野食買呀! 太好啦! 我LUNCH都未食

蛋包飯原價 380YEN 收工半價!! 190YEN咋! 上左巴士即時食
D蛋超甜~ 入面少有西炒飯咁既飯~ 我好鐘意食呀! 食完都餓咖! 190YEN好抵

見到好多牛呀! 佢地好乾淨~ 身上真係有名咖...

巴士途中好難影相...個窗係有色咖...打開影又超級凍...

雖然好凍點到要影一兩張既!
巴士去到草千里就要全部人落車啦因為太大風上火山纜車停左...今日都唔開啦...
D韓國人同外國人都唔知咩事...我就好叻話返比佢地聽! 15分鐘巴士係 470YEN
一落車又真係好大風...超凍呀...好彩件外套有帽 

巴士站行落去就見到好多大馬啦! 佢地真係好似特別大隻...

佢地可能好耐無沖亮都有少少味
一路唔PLAN 來阿蘇火山就係驚佢好似依家咁唔比上去...
不過見今日行程鬆動就上來啦~ 點知真係唔上得!

不過個火山口都唔算好遠 55MM鏡頭 ZOOM盡都好似好近呀~ 哈哈!
太大風我都無行過去...好遠下咖...

草千里~! D人仔都好細粒! 個天好好天呀又會咁大風!

最後一班巴士仲有成個鐘有多呀...都要周圍行下~
D馬附近有人燒木燒炭取暖所以個到成日都有人! 

本來都有D想試一下騎馬..本來有 A B C 揀...
點知得返 A-1300YEN騎得5分鐘...5分鐘可以行去邊呢??

最後得兩兄妹騎下馬!

會唔會係火山頭頂舊雲所以我唔上得去呢...

如果唔介意大風我諗都可以行得好近既!

好多馬企向到比你影相!

由於吹得太凍啦都係入去D有野遮下既地方!

阿蘇火山可能太多人D印仔比給到無晒紋...給左好多次都給啊好...印低佢個版好過

都係行下入面啦~ 暖暖地~

八婆 HELLO KITTY周圍都見到你!    

 向呢到有野遮下個D頭髮先可以正常D!

D MON CHI CHI真係太貴啦!

馬串都係唔敢食~

D馬收工啦! 可以周圍走啦!

D馬可以走圍走即刻生猛晒!

咁先似草千里咖嘛~ 有D馬點綴下!

一個顛婆同光山合照...真係大風到呢

上唔到風山~ 影下你個POSTER啦!

5點到有車啦~ 走啦~ BYEBYE啦阿蘇火山!

落山巴士坐到好後可以打開窗唔凍親人! 睇書成日見到佢~

5點去到 JR 啦~ 仲有半小時先有車! 個記念印收得好埋下!

有車啦!

由於唔係快速車要個半鐘先返到熊本呀...天都黑晒羅!七點半啦!

無野食唔驚~總有吉野家向到!

向車程給埋個印仔~銀杏城聽日來搵你呀!

搵好方向就行去酒店!

今晚只需3600YEN 一晚咋! 好平~ 間房都好太下
睇下介絡都無咩心水食咩! 又懶得搭電車去市中心~ 打算行返去火車站!
由於發時煩~ 試下食熊本拉麵啦~ 經過見都有雜誌介紹過!

行去酒店時立下眼以為叫黑龍江仲諗住中國人開...勁白痴...
去到門口睇清楚先知叫黑龍紅!酒店行去車站會經過!

十分之正既蒜片~好脆又唔油!落左好多去食麵!

拉麵到啦!有得加辣有得揀淋麵定爽麵  VERYGOOD! 叉燒唔鞋有半熟蛋有木耳絲~~好味呀!

呢個鐵板餃子推介呀~又脆又熱!咬落去係我食過最多肉汁既煎餃子!
拉麵加餃子1180YEN!~ 今餐都好滿意!
食飽飽都 9點到~ 不過周圍都係酒店多無咩行~ 係有間好大既柏青哥...
所以我都係散步返酒店啦! 我沖亮都可以沖成半個鐘打發時間! 哈!

睇下電視影下今日D記念印~ 今日收獲豐富好多個印仔!

紅色個向阿蘇都給~ 其他都係向高森站給~ 原來有兩個站係無咖!
聽日去好想去既鹿兒島啦!