第十四天-下08年4月20關西中國四國九州

跟TOUR影下相睇一陣就上車啦~無辦法啦~櫻島都好似唔多巴士咁...
跟TOUR應該會好D! 向車上當然有個導遊小姐啦~ 不過佢有D老呀...嘿
佢比左本英文介紹我睇...佢每講一個景點都會講個NUMBER你知!

呢D應該係小橙樹...應該呀...

導遊小姐介紹過...アコウ群...不過都唔知係咩...向路邊一大排好高既樹!
有D出名景點都只係向車睇下就去下一個啦!

好出名既 黒神埋没鳥居 1914年櫻島大爆發比D火山灰埋左!

之後就去左個 SHOPPING景點啦~ 係試酒同試下小小土產~

興趣唔大就去左屋後睇下火山既背面啦!

個火山無啦啦好多黑煙呀! 好似山火咁哈哈!

呢到係櫻島既後面~ 仲有個A貨 黒神埋没鳥居

仲有幾隻自家養既大肥雞!

鹿兒島好出名的大蘿蔔! 但我見唔到更大個既有D失望!

去埋最後一個景點~ 霧島屋久国立公園

呢D都係火山爆發冷卻左既溶岩~ 呢個好明顯係獅子啦!

其他我就睇唔出啦!

好似鮑魚擦...好硬身咖!

其實我都唔係好知係咩樹...松樹???

嘩又多左啦D煙!

櫻島出產的小橙~~

櫻島行程完結了~ 返去碼頭啦~ 途中經過呢個記念像...

時間有限參加 TOUR 都唔錯既~ 短短兩小時就可以環繞櫻島一周~

時間大概兩小時到啦~ 都係1700YEN一位唔貴啦!

櫻島再見啦有機會先去你個古里溫泉到住一晚啦~

一會就坐返船返到鹿兒島啦~ 150YEN

落左船睇地圖周圍行下啦~ 行下行下就去左 みなと大通り公園

成條街好多花仔~ 好多顏色!

 應該係市役所~

見到有電車就搭左去天文館啦~ 160YEN!

第一時間就去左搵白熊冰!

由於我想食既布丁白熊只有大size...一來到真係好大呀!

個三粒提子係佢眼同鼻一路食時你會見到佢有電視介紹點樣睇到佢個樣!

不過我都唔係太記得了! 睇樣你應該都會覺得佢好大個...實物都係超大個...

一個人食真係大左小小~ 佢d冰同綿花冰一樣咁綿~ 仲有我最喜歡既練奶!

樣樣生果都有d 真係唔錯! 不過食到一大半...個人好凍呀...一路食一路震~ 哈哈

布丁白熊係 788YEN

食完就周圍行下D舖頭同搵FANCL因為塊面有小小敏感...要買佢樣野急救下

好難得去藥房買左D野問D姐姐邊到有FANCL不過佢話收左羅...咁聽日先買啦...

之後行到晚飯時侯啦~ 向個黑豚橫丁行來行去都睇唔岩食咩~

最後去左D後行見到燒肉~ 燒既黑豚肉一定好好食~ 食啦!!!

鹿兒島既燒酒好出名咖...一不過我真係唔鐘意飲...唔試啦!

有兩隻鹽比你調味

食燒肉當然要炭爐先係最好啦! 正!

餐前送的小食~ 家庭式煮蘿蔔~ 好味!

餐牌都係全日文...試叫左樣新野就出事啦~ 左面個黑豚肉係唔係好肥呀???

黑豚ロース個名ロース我成日向牛都見到就試下叫啦~

佢一來到好靚咖~ 成塊竹葉包住同你即時剪開...

一剪開見到咁多肥膏都嚇親~ 不過都來左唔通唔要咩~ 食啦!

牛肉都係揀 上カルビ

由於D黑豚ロース太肥味...我燒左好耐燒到佢出多d油先好食啦~ 心理上瘦d呀嘛~

一入口又唔肥~ 完全唔油淋淋~ 燒到脆脆地~ 好爽口~ 好好食~

不過又 黑豚トロ又 豚ロース 真係好流...未來幾日會食燒肉都唔食豬肉啦!

加D岩鹽燒其實真係好正既!~ 燒到脆晒啦!

食飽飽都20.35啦~ 係時侯返酒店啦!

搭電車話咁快就到啦~ 又係160YEN!

到底日本有幾多個摩天輛呢? 向商場行左個圈都走了~

行返酒店向車站見到呀~ 好想食!!

不過太飽啦! 間房同摩天輪好近咋~

好耐都無出現第14日既戰利品!