第十七天-上08年4月23關西中國四國九州

昨晚係全旅程訓得最唔好一晚啦...因為D暖氣有D熱...張被又厚...
訓到五點幾熱醒左...昨晚睇電視都睇到好夜...好想繼續訓!
同D熱氣戰鬥左1小時終於先訓到!
最後成7點9先起身! 即時去食早餐先啦!

嬉野名物 "湯豆腐" 好香豆味~

其他都係個果D啦~ 粟米湯好甜~ 好味~ 仲有溫泉蛋

食完就去浸溫泉啦~ 一入去一個人都無呀~ 咁就可以影下相啦~

酒店溫泉係向屋頂~ 呢個係室內~  兩邊仲有咖~影唔晒~

呢到係室外~ 環境OK啦~ 都OK寬敞~

卸妝~ 洗面~ 去角質~ 都有提供

呢個GOOD呀~ 好似羅晒D橙來沖亮~ 十分十分之橙~

呢個洗完頭都幾滑~

食完早餐係無咩人咖~ 得我一個咋

旅程最後一次浸溫泉當然要慢慢享受啦~ 到我浸完~ 差不多洗完頭先有人入來!
整好晒野就 CHECK OUT 今次自己行去巴士站剛好有巴士返去武雄溫泉!
10.00到左啦~ 首先去左劃位羅車票先~ 因為見唔少人等車!

本來係打算去武雄溫泉個代表唔合咩樓睇下...殊不知今日落超大雨!

邊到都唔駛行啦...向車站等左成45分鐘 

就有車了~ 返博多先啦!

昨天好好天! 今日天氣十分差!

天黑黑...

一小時車程就返到博多啦~ 先去酒店放低晒D野

一把傘都無...飛奔去車站啦!

今日個JRPASS最後一日啦!先搭子彈火車去小倉先~ 給返個印先!

之後就轉 JR 去下關~

最緊要羅地圖先出發~ D記念印好靚下~
第一個目的地搵巴士去赤間神宮先~ 唔算好遠既車程要200YEN

睇相同雄武溫泉都幾似呀~ 在8成似中國建築物呀!

D雨都唔細咖~   個鏡頭濕左唔少次

D雨不停咁落...  好怕整濕個相機~

參觀完就去對面等巴士啦~ 剛剛走左車~ 都等左成10-15分鐘...黑仔!

等車時都見到 關門海峽大橋 同D樓都好近下!
搭兩至三個站就到唐戶市場~  又160YEN 對面就有D好耐下既樓~

 旧秋田商会ビル

旧下関英国領事館

唐戶市場附近就係搭船去門司港啦!

今日D天氣真係十分差呢! 出面白濛濛一片!

由於仲係無傘既關係~ 一路行都幾狼狽!

未行到去唐戶市場都有一個有手信加餐廳商場~

入面有唔少關於雞泡魚既野賣~ 連雞泡魚刺身都有得當手信賣...

要行去唐戶市場中間完全無野遮... 我都係放棄啦... 未行到去都濕晒啦!

呢到都有好幾間餐廳就揀左間試下食雞泡魚啦~

個杯都要有條雞泡魚~ 仲有鯨魚食...不過我無食啦...
入面都好幾個雞泡魚餐~ 我都揀左好耐下~ 不過可惜食唔到雞泡魚粥個餐...
 
有季節限定...4月時無得食...最後揀左個3500YEN既餐~

先來個沙律~~ 入面都有D雞泡魚魚皮~ 酸酸地幾開胃~

之後仲有好多野食呀~~

左面個魚係甜酸汁~ 其他配菜都係甜甜酸酸~ 餸飯一流啦

個飯都好食呀~ 本身D飯煮到有味~ 入面仲有雞泡魚

最緊要主角雞泡魚刺身啦!
我一向唔食魚刺身所以揀左個有窩物既食~ 食唔到都可以拾熟佢呀嘛~
不身過雞泡魚刺身試左都食到~ 因為佢係爽口~ 唔係淋身我都OK!
不過我就唔覺得特別鮮甜~ 可能佢地應該係養唔食野生啦!
另外一提拾熟我覺得仲好食~ 哈

蒸蛋~ 

天婦羅好好食喎~ D粉十分之薄~ 全部新鮮炸十分熱~ 正!

最後個窩都來埋啦~ 入面有好多魚咖~ D湯無咩味~ 十分之清~
我唔肯定佢地係唔係雞泡魚呀~  不過應該都係~ 好易食咖~  無咩骨~
我覺得幾好味~  D魚肉實實地彈彈地~唔錯