第十七天-下08年4月23關西中國四國九州

天氣可以好D嗎? 向下關到影~ 關門海峽大橋

390YEN 搭一陣間船就去到門司港啦

向碼頭好彩執左把透明傘用~  唔駛怕落雨啦~

好多人都去過既門司港~

當然又要給下印仔啦~ 同張相一模一樣啦~

之後就睇住地圖周圍行下啦~
 

旧門司三井倶楽部

前兩年都有睇過大河劇義經~ 因為有龍澤秀明呀嘛~嘿

吊橋~剛剛開完~開時會有音樂聲咖~ 搭正佢就會開咖啦~

遠睇我覺得入面好似係個真人來咖~

海峽廣場~ 入面可以TEA下~ 試食下手信~

全部建築物都好外國FEEL~

國際友好圖書館

旧門司税関

行下行下又見到D好大朵櫻花~ 仲有兩隻色~

旧大阪商船

行完一個圈咩都無買又去返門司港車站啦~

4點幾啦~ 時間差不多啦~ 搭JR去小倉啦!
落車時溜左把傘...最後向車站百貨公司買左把靚D既縮骨傘~ D雨太大了
時侯唔早啦~ 五點幾啦~ 就行去小倉城先啦~

日本D商店街真係十分好~ 全部都有野遮唔駛怕落雨!

小倉城要過左橋再行~

小倉有好多條橋咖~ 有諗過條條都行咖... 不過咁大雨都係算吧啦!

前面條橋好似近D~ 行去前面啦~

好大朵花~

呢條橋兩邊個公仔個頭到底代表D咩呢??

好似係小倉最大個商場?

落雨落到D花都無心機~

五點幾應該都收左~ 所以無打算上去~ 影一影就算啦~ 

其他都收晒了!

之後就去左個大商場到行啦~ 順手去下洗手間~

拉麵聽日先食啦~ 今日唔食啦~

去 SUPER MARKET 同藥房行下~ 買左D野啦

行完都七點幾啦~ 就向回程路睇下有咩食啦!

走圍行來行去都睇唔岩食咩就行去車站走啦~

旅程最後一次搭子彈火車~ 8點到就起程返博多啦!

十多分鐘就返到博多啦~ 今日成日都落雨一路都無咩心機買手信
下關、門司港都無買呀...諗住博多咩都有得買...點知...錯晒...
好多想買既野一樣都無...雞泡魚都唔見條...最後向車站入面
行來行去睇下有咩食有咩買...行到去個SUPERMARKET先買左D野啦!

向車站都係睇唔岩野食...就去左K小姐上次住間酒店餐廳試一試啦!

餐廳向西鐵INN樓下~ 向我酒店斜對面! D野食同和民都好似~

K小姐上次食話OK~ 落雨濕濕我又唔想去咁遠~ 近近地好

見到有海膽就食下啦~

一口牛肉~ 味道OK啦~ 最緊要都係夠熱!

芝士豆腐十分好食~ 好多芝士入面仲有蛋同腸仔好流呀~

串燒普普通通啦~可能叫得太多野食飽啦~
最後有少少食唔晒啦~ 食左2331YEN~ 唔食個串燒就會好D! 太飽啦..

第十七日戰利品~
向博多車站入面個SUPERMARKET到買咖~