DAY 3 藏王8天 08年2月23日

今日5點半起左身啦! 酒店溫泉六點先開咁我就向床睇下電視食埋個donut先啦!

執好野一夠鐘去沖亮啦~ 當然一個人都無啦~ 地下都仲係乾咖!去旅行我最鐘意沖亮...

因屋企由細到大都係電熱水爐...唔會有好多熱水沖亮! 冬天熱水有時係唔夠...

旅行時就有源源不絕既熱水沖亮!! 簡直係天堂! 每次去旅行沖亮都係我期待既一個節目...

呢個算係露天風呂咖啦~ 四圍高樓大廈...太露我諗都無人夠謄浸啦! 整下整下七點半出發啦!

d donut 都唔知去左邊羅! 食返個早餐先! $210+$105yen

買返個仙台pass 先! $2500yen 向有限區域連續兩日 jr 同 bus 任搭

出發去今日第一個目的地啦~ 架 JR 越開得耐就越見得多雪... 

JR面白山高原 呢個站超方便!落車行一陣就可以有滑雪纜車去滑雪啦! 正!

9點三到左今日第一站啦! 山寺!

我無諗過呢到仲有咁多雪咖...我仲係著住涼鞋咖...天氣仲唔係幾好...好大霧! 我好小心行啦~

 好彩呢D雪唔滑...但要小心唔好整濕我對襪!

一路行一路人影都無隻...真係...夠晒寧靜!

睇地圖左右都有入口~ 我就揀睇地圖近D既左面入口!

我有帶鞋去仙台既...不過唔知呢到仲有咁多雪! 同埋我真係好唔鐘意著密頭鞋...

無咩必要都係著 拖鞋/涼鞋 ... 估唔到真係會著拖鞋去行雪地!

睇下個地圖真係成山都係寺...     

買入場卷 $300YEN 時

 個伯伯望住我對拖鞋...問我係唔係就咁打算上山...我答係呀~之後佢就話無可能啦... 

指住後面...望下原來有鞋借...叫我換左先上山...嘩...救星呀!

我都好想拜呢個財主...但唔記得拍手先定掟錢先...所以放棄左...

多得對鞋~ 原來樓梯係結晒冰! D樓梯行極都好似未行完...好彩無咩人...

行一陣休息一陣都唔會阻住人~...周圍都係杉木~ D葉不斷發出沙沙聲!

沿路都會有木牌介紹~ 當然係要識日文啦! 右圖可以行去第二度...睇書個到影既風景係好靚...但無野攔住...下面又好高下...行左幾步...無野攔住我D畏高病出晒來...都係返轉頭...

行左半小時樓梯行到上最高 奧之院 啦! 上到來天氣好晒啦~ 無晒霧啦! 

 

 

上山辛苦~ 落山都唔係易咖! 因有D路比雪遮住晒...落仲驚...最後都行左五個字先落返山!
不過一路行一路都有D人上去啦~ 佢地好有禮貌個個都同我打招呼~ 我叫返佢地加油啦~ 哈哈!

還返對鞋就行埋另一面走~ 見到隻貓貓~ 唔知佢凍唔凍呢??

 

落埋條樓梯就行完晒啦~     

行下D手信舖~ 買左少少KITTY 買左支 $200 YEN 既100%JUICE 蘋果汁

山寺個山叫寶珠山~ 所以呢條叫寶珠橋~

最後買埋名物 いも煮 $100 YEN 跟本就係豉油煮魔芋...我都唔鐘意食豉油...SHIT!

行返車站等車啦~

可能我真係唔太怕凍...我只係著綿褸都唔覺得好凍!

剛剛行完既寶珠山~

搭JR返去仙台都要成一個鐘...火車搖下搖下真係好好訓! 訓醒差不多到仙台!

睇下時間好順利趕到去山下駅既車~ 咁就要搭多半小時啦! 去到亘理站時開始落大雨!!
個天仲要好黑下!! 希望D雨快D落晒啦!!

向站問左個無咩禮貌既職員路! 佢好好咖! 話我唔係做旅遊個 PART 唔識路! ...
叫我搭的士...真係唔該晒!  出左站好大風! 好彩停左雨! 研究好方向睇下行左定行右! 

經過間細超市入去買左桃啫哩 99YEN 順手問埋路睇下有無行錯啦~ 方向正確~ 繼續行!

呢個山下都算鄉下地方...又係人影都無隻...得我一個向條路行...天氣又差...超級大風!

我咁唔怕凍既人都吹到好凍啦!

行左10分鐘...吹左10分鐘...遠離車站仲要無埋屋擋風...行到去呢條狂風之路...

 睇相係睇唔出佢有幾大風 我仲要吹多9分鐘先行到去士多啤梨園...

終於行到去啦...士多啤梨你死梗啦!

但都要比左錢先! 1500 YEN 一位!

入到去簡直係天堂!! 十個暖! 我個眼鏡唔係矇左以係出水點...勁! 有個嬸嬸看住D士多啤梨~
叫我放好D野除左件褸, 頸巾~唔好整親D士多啤梨~

仲有就比個膠兜我 教埋我點摘士多啤梨~就可以食啦~

 除左我仲有位兩位太太同個BB~

 有十分十分多士多啤梨~啦! 見到好多都超大粒~

先頭怕大粒唔甜~食D細粒好靚好尖個D但唔算好甜!

之後食好大粒唔係靚樣個D! 嘩! 超甜!! 好好食呀!

之後就不停摘好大粒同形狀古怪個D啦! 我一路食一路有數住食左幾多粒咖...哈哈!

食左四十幾粒之後好飽啦~ 影下相同MOVIE! 問個嬸嬸夠鐘未...佢叫我繼續食...食多D! 食到最尾已經無數啦...已經超過左六十粒...真係有D飽到想X...哈哈... 食到食唔落都仲未夠鐘...

我就決定坐下休息下啦...嬸嬸係咁叫我食...我唯有攬左個肚講 "打咩" 佢笑得幾開心...

食完隻手都紅晒啦! 食左咁多粒士多啤梨後真係好滿足咁離開!

食完走啦~ 想睇下佢係唔係可以直接訂寄去仙台...搵來搵去都唔覺就走啦..

之後又要行返超級狂風之路...個天出緊太陽...但我迎風以行...
有帽加埋頸巾包實個人都無用...塊面同眼完全糟蹋! 真係吹到好難忘啦!

 

嘩! 個天幾藍! 幾清呀!! 完全呃晒人!! 三點去到車站等車時惡運開始啦!!!

三點五係有班車! 打算買車票啦~ 因PASS 係唔包山下咁遠... 個無禮貌職員講左好多日文...到最後我係聽到話無電車...又聽到風個日文... 跟住睇下個電子牌由於大風關係東北地區大部分JR都停駛...無車返仙台...下...咁我點算呀...

問佢幾時有車...佢話唔知...問會唔會有車又話唔知...咁我除左坐向到等都無野可以做...無可能搭的士返仙台啦...都唔知要幾錢...

我只可以坐向站入面等有車啦...出面咁大風我都唔會出去~ 出左去走左車...真係死羅...
等左成個鐘啦! 最壞既打算都係無車...但呢個鄉下...酒店民宿都無...都唔知可以點...
坐向站入面聽住D風呼呼聲睇住D人出出入入! 唯一安慰都有其他人同我一齊等下車!
等到4點10終於話有車去仙台啦...真係不知幾咁開心!

上左車唔理佢啦...我諗好快會去到仙台啦...行左10分鐘都無去到亘理站架車就唔行啦...

停左起碼成個鐘...不過都好過坐向車站唔知有無車!
最後30分鐘車程行左兩個多小時先返到仙台啦! 站入面好多人呀! 子彈火車仲停緊!
我返到仙台都算好彩啦! 時間都係七點到本來 PLAN 左去 AEON城行下同食晚飯!
但已經唔敢搭JR 去第二度啦! 出站仲見到落埋超大雪~
開始好凍啦! 都係留返向車站附近行下算啦!

行到無咩行...又凍冰冰...去食野啦...但其實唔餓既~ 不過無野好做! 食啦~
第一晚食燒肉經過間串燒店都想食~ 咁就去食串燒啦~

間舖都幾遠咖~ 又落大雪!間大型連鎖串燒店~ 是但啦~你啦!

呢到D串燒要兩串起...所以唔食得好多款...叫左砂肝[腎], 生薑豚肉, 牛柳, 雞皮! 樣樣都好好食! 仲係我最鐘意既鹽燒! 全部都係即刻燒! 正呀! 食左 2160YEN

食飽飽出面仲係不停咁落雪! 仲要凍成十五分鐘先行到返酒店! 返去又可以慢慢浸下溫泉啦!

今日戰利品...D HELLO KITTY 唔係我咖...