DAY 7 仙台藏王8天之 08年2月27日

今日係 LAST 一日滑雪啦~ 下午就會返仙台~ 六點幾起身浸溫泉啦~ 今日落雪落得好密~ 

露天溫泉D泉水只係暖暖地可以浸好耐都唔會熱...仲有成頭都係雪~ 厲害!

8點3到食早餐啦~ 今朝早餐比較簡單~

我房出面~ 大家睇到好大雪下嗎?

住一晚有一個點心兩晚有兩個~

上房執好野~ CHECK OUT 放好行李就出發去滑雪啦~

今日能見度十分十分之低...D雪落不停...塊面十個凍~ 條頸巾已經變左面罩! 

今日滑雪已經十分成功...唔會跌倒...話停就停...轉左轉右都OK!

中午十二點幾影~ 超好天但呃人咖都係大風大雪!

本來都有打算上多次藏王山睇下個天係唔係都係清...但佢都係時清多數唔清咁就放棄左...

個天真係變得超快~ 所以無去啦!

一點肚餓啦~ 食LUNCH先!! 叫左個咖哩烏冬SET [ 850YEN ] 正常係得碗烏冬同一碟白飯...

我叫個姐姐比D咖哩汁落飯到...個姐姐又好好人比左~ 哈哈

烏冬好煙UN~ 個咖哩湯超濃! 咖哩飯D味又唔同烏冬~ 賺左! 食多種味!

食完繼續滑下雪啦~ 滑左去另一面...本來想再滑遠D去第二度...

最後唔想重覆昨天慘況都係乖乖向上之台滑雪啦!

一個人滑雪滑得多~ 其實都有D悶咖~ 雪場附近都有好多好厚既積雪~ 本來打算整個大雪人...但整極都散...放棄左啦~ 寫左自己個名~ 係唔係好無聊呢...哈哈!

大雪時同凍可以入去企下咖~ 即刻會暖D!

約好左三點九接我返酒店羅返行李車去藏王巴士站!    

預得太多時間~ 4點就到左車站仲有半小時先有車~

車站不停聽到廣東話啦~ 後來有兩位女士同我搭下訕傾下計~ 

一個同男朋友來一個一大班滑雪好手來滑雪...大家都係明天同一班機返香港~

6點幾返到仙台啦~ 立即返酒店CHECK IN 放好野最後出動買野食!

LAST 行程就係去機場附近既 AEON 城... 單程成400YEN車費唔平啦! 

入左閘先知剛走左班車...又要等成半小時...但車票都買左又唔走得...行下麵包店, 

便利店都只不過行左十分鐘...跟住買左個熱粟米湯 120YEN 超好飲!

八點終於去到AEON城啦~ 本來打算向到食晚飯先去 SUPERMARKET 買野...

但發現呢到個 SUPERMARKET 竟然唔係24小時...咁唔食都要買野既...

一早應承呀媽買生果返HK...最緊要當然係買士多啤梨...點知呢到得好少士多啤梨...

完全浪費我D錢來呢到羅!!! 揀左好耐先決定買邊隻士多啤梨返HK...

因唔想好似上年咁買左D酸既比呀媽食啦...

買完野差不多十點啦...有班車幾分鐘後到...拿拿聲追車啦~

10點半返到酒店即刻試 D 士多啤梨甜唔甜...唉...呀媽真係唔好彩..唔係好甜...

不過無上年咁酸... 本來打算出街食埋LAST 一餐同去SUPERMAKET 買多兩盒士多啤梨返HK...但太懶...聽日又要好早起身...再加上四月都會來日本...咁就放棄 LU! 

落樓下浸下溫泉睇下電視...執下行李啦...

呢個算係我 DINNER 啦~ 仲有兩個之前買既包!

LAST 一日戰利品啦~  行程基本上完結晒啦...明天係早機返香港...