Q! 小姐飲飲食食遊記+港女自駕遊~: DAY1B馬尼拉長灘島晒燶hea爆之三人行-08年8月28日

落機啦~ 個機場好細咖咋~ 行幾步就到啦!

呢邊就係準備上飛機咖啦... 超近!
一到大堂超亂呀...多人到呢...遊客一半...打算幫你羅行李又唔少!
COUNTER入面有個人叫人填野...我又唔知駛唔駛填就填左...
填完FROM向一塊板到搵到我個名係BOOK左酒店搵人接...
有兩個菲人同我地羅左行李我就以為佢係接我地
點不知勁低能佢同我地推行李去到架VAN個到咋...咁近我自己來啦!

佢推一推就要比TIPS咖啦!50PHP..頂!!!

接個架房車VAN都好新! 行一陣就到啦! 佢問我地每人羅100PHP比船TAX船票
又比人呃左錢! 船+TAX應該係75PHP之嘛! 仲有唔係應該酒店包左咖咩...

終於出到來見到搭去長灘島既船啦!
見到架船又要搵定錢比TIPS啦...上到船大家夾錢先有散銀羅! 又50PHP

好特別既螃蟹船~

出發去 boracay 啦!

到底係影我定影海呢~嘿

d 椰樹又企晒向到歡迎我啦!

見到條樓梯又要搵錢比tips啦!

我地真係無晒散銀啦! 問左佢有無得找先...我地為左慳10php攪左好耐~ 哈哈
叫酒店接我地我真係覺得十分十分之失敗!
先頭以為叫酒店接係咩都包晒~ 唔駛自己比錢...完全唔係羅!
除左呢程同機場個車係酒店比.. 自己都比左百幾php...
真係我自己搭都得啦! 仲要每人比250php酒店...真係x$&*()zy

搭果架車仔細細但向司機好厲害既技術之下我地都要成十分鐘有多先去到酒店!

一去酒店佢就話deluxe房今日無晒...up左我地去蜜月房...
但係我地三個人喎真係要蜜月房...佢同我地加左張超大床玉向地下!
間房都可以~ 好大~ 好乾淨...除左佢露台張窗簾有超多蟻嚇死我之外~

其他都ok既! d蟻實在太多啦! 我地要叫佢來殺晒先得呀!
叫左佢聽日一定要同我換返deluxe房!

都望到出面既沙灘~ 不過d椰樹太高遮左好多!

揀定明天早餐先!

酒店門口過條馬路仔穿過呢到就係沙灘啦!

wow~ 雖然陽光無左~ 見到沙灘都好呀!

今日d雲有d厚~ 所以我地無搵船出海睇日落啦~

仲未見到人地好多色既日落~

似唔似d打魚既漁民~ 哈哈

個海灘超長呀~ d沙又真係十分十分之滑! 我地費時行太遠啦~ 就搵下人地介紹間沙冰店啦~

酒店行沙灘好近就見到呢間飲沙冰既 Jonah's
網上d人讚佢又平又大杯!

杯沙冰來啦~ 真係十分之大杯~ 我叫左芒果檸檬68php

飲左無幾耐我就發現d牆上面有好多四腳蛇...嘩! 我真係好驚咖...
但費時嚇死 k小姐同 F小姐我都係唔出聲啦! 一路飲一路"目及"實d四腳蛇

太陽終於落左山啦~ d晚霞先會靚

今日晚霞雖然唔係有好多隻色但都幾靚啦!

入夜我地就行去 d'mall 啦~
我地住 BEACH 1 向酒店都要成行十分鐘先去到 d'mall

入到去行一陣就見到個好細既摩天輪啦~ D'MALL有好多野食~ 周圍都好多人

d舖頭好勤力~ 仲未收咖
周圍睇下D野食啦

呢間係plan左一定食既希臘菜 CYMA~ 行過見到就係你

成個餐牌都係英文~ 只係寫低左兩樣人地推介...其他都唔知食咩好!

最後用最簡單既方法叫相中人兄介紹啦!

呢個要點火既芝士xxx 佢點火時會大叫咖...哈

d 餅好快上左啦! 好熱咖~ 個面都係脆身~

d火一陣就熄左啦...我見到d牛油浮晒面~~ 肥死羅~
牛油加芝士~ d芝士煙韌到唔捨得分開~ 加埋落餅到...正呀!! 食到尾先食到酒味~

沙律又係大隻佬推介~ 食完d肥野~ 食返d清淡d! 入面都幾多野咖~
菜, 蕃茄,青瓜,芝士, 酸豆, 仲有d乾話梅絲物體~ 成個我都好鐘意食!
酸酸甜甜~ 難得蝴蝶粉凍食都咁好食~ 份量係一人但都唔少咖!

青口天使麵~ 一坐底就叫啦! 先頭話賣晒...我幾失望!!
後來返來話仲有一份單人size 即刻要啦!
d青口排得好靚呀~ 望落去都嬴晒~ 好似好多咁! 青口唔係平時好大隻個d~
但又大隻過向法國食個d! 中間d意粉意外地多~ 仲有多材料一齊煮~
青口每隻入面都有牛油蒜蓉~ 十分之好食~
呢一餐十分之滿意! 少少地叫左三樣~ 但大家都好飽啦~ 雖然未食過希臘菜
但覺得同西餐差不多啦~ 不過要有心理準備佢係有大量牛油~ 係大量!
我自己就無咩問題既~ 怕肥既先生小姐就唔好去試啦!

今餐十個平食左 PHP$850 即係 HK$153 每人只係 $51平到呢...