DAY4A 九州親子溫泉之旅-09年1月28日-黑川

今天朝早唔駛趕~ 因為10.57am 先搭巴士去九重~
六點有多天仲未光就起身去左浸溫泉啦! 仍然都是只有我同書童兩個...
由於天氣太凍了...都無行去到家族露天風呂...事關都包左場啦!
浸溫泉加沖亮洗頭係需要好漫長既時間~ 大概用左兩小時啦~ 哈!!
8點幾就落樓下昨天到食早餐!

佢算係我食過最少野食的溫泉早餐了! [ 書童話夠啦~ 好多野食啦! ]

粒酸梅真係酸到入心入肺....

 

左面個隻雞蛋研究左好耐係生咖! 到底點食呀!

仲有條魚仔!

一定要食飯唔食飯唔飽的!

明太子...應該係生咖? 辣辣地、咸咸地送飯...!

健康主義的早餐??

 有豆味的豆腐~  最後隻雞蛋放埋入去豆腐到滾唔係都唔知點食...

滾完都唔係好熟咖咋...但總好過生食既! 自制溫泉蛋!

食飽飽回房打包好行李~

今天都是好天氣~ 太陽出來了~

對面間旅館會燒柴...

昨晚都落了少許雪~ D樹真係好得意!

出去行下~ CHECK OUT 啦!
CHECK OUT 時除左比錢最緊要~ 仲要叫旅館幫手聯絡今晚的旅館!
約好幾點向邊到等! 點不知我竟然寫錯電話號碼...哈哈
一位可能係老闆娘好努力又英又日同我溝通~
最後問到電話~ 幫我地約好晒~ 我地就放心出去行下啦!

黑川真係寧靜到不得了~ 耐唔耐來呢D地方真係 RELAX~ 所以日本人咁喜愛?

D 粟米就係咁掛咖啦! 幾靚!

冬天D樹都無晒葉~ 個天就夠晒藍!

我地沿路行到去一間神社

細細的神社~

黑川都是旅館~ 手信店~ 食店~

有間旅館有個水車~
行到有一間賣野食手信店~ 買左D野啦~

圖入面味噌蔥米餅都幾好食! ¥525都有好多! 好大塊咖!

呢個無買呀...太大了...

回程見到一間麵包甜品店!

時間早上十點~ 個泡芙一定剛做好不久~

wow 好脆呀~ d cream 好到呢! 好好食!

仲有買左個布丁~ 遲d先食! 兩個加埋 ¥472

時間差不多啦~ 影多一會相就返旅館

 

 

差不多間間都係旅館

會唔會因為呢條溪流就叫黑川呢?

孤獨老人流落日本~ wakakaka

水源都唔少咖!

本來睇黑川網頁時有打算食~ 不過昨天食紅豆沙都有丸子就無食lu!

有時間都可以買個入湯手形~ 半年內可以去三間旅館浸溫泉
十點七到返到旅館等人車我地去巴士站啦~
咁就同老闆娘傾下計啦~ 見到張POSTCARD係全雪境~ 咁就問下幾時先係雪季
竟然一月尾都未係大雪...要成三月先見到全雪境黑川...真係估唔到...
正常應該一月凍 D咖嘛...
OH 十點九車到啦~ 老闆娘好熱情咁行晒禮送我地走啦!

應該係用來打年糕!                    

到左巴士站啦!

去到車站見到都唔少人...大概十二,三個~ 都擔心無位坐咖!
我地搭 4個站就會到目的地! 九重登山口!

巴士站對面~

四周都係樹!

巴士站上車同落車都係同一個站搭車時小心D呀!
同昨天一樣上車前會點名~ 我同書童榜上有名順利上車啦!

又係搭12分鐘就會去到瀨之本休息十分鐘

少少雪的山!

好快就到左啦~ 第一時間就行左去展望台睇下有咩睇~  就係睇山境啦!

書童就唔知行左去邊~ 等我周圍搵佢!

車站到仲有個 油站~

OH! 夠鐘上車啦~ 呢到多好多雪呢~ 書童第一次見到雪!

沿途車程都係上山落山向九重出發!