DAY5B 09年1月29日親子溫泉九州之旅

鬼太郎細過只睇過幾集既...所以都無入去...

向湯布院幾小時d雨都未停過! 仲越落越大...要買多把傘一人一把...
基本一條大直路就會去到目的地~ 不過沿途都好多手信舖
間間行下都要唔少時間!

仲有間車泊向到~ 不過係隻大熊係司機

見到d雨嗎? 真係大咖!
行到去一間細細間超市有唔少平生果~

呀媽對D白果十分十分之有興趣...我話返轉頭先買啦!

本來打算返來睇下食咩咖~ 不過時間關係只係買左兩個布丁!

就到啦~ 行過晒d手信舖啦~

唔駛怕唔識路~　有指示的！

到了 金鱗湖~ 識出煙咖~ 幾靚! 夏天來要清晨先識出煙~ 環境幾優美!

我摸過d水暖的~

大風的時候d煙就會吹走晒咖

湖水其實好淺~ 仲可以見到入面有魚

左面唔知係唔係溫泉~

向草叢發現佢地足跡...有幾隻...！不過落左好多雨要小心泥地~

wow 好多煙~ 影左一陣相就行返轉頭了!

沿路都行經不少cafe

好得意的草        

去返小超市就買左一大袋日本白果...又買左d黃蘋果...即時重晒!

大圓蘿蔔好想買！　平過好大隻．．．我地已經買左好多野了.......
行過見到個得獎薯餅當然食下~ 書童怕熱氣我自己一個人食兩個

左面係金獎得主喜壽燒牛肉薯餅~ 右面係我我好鐘意的芝士忌兼薯餅~
加埋¥300 兩個都好好食~ 經過一定要食返個~ 不過小心熱呀!
平來係打算食埋飯先走...但食又怕好急趕唔切...間間都好似好多人!
食完兩個薯餅就行返去巴士站執好野等車啦...咁大雨都無謂周圍走...

用 SUNQPASS 到車站出埋票問埋向基山轉車方向就等車到~
由布院到基山個程架車竟然無電子牌...要好留心落車呀...不過都要成一個鐘!
搭巴士最易眼訓但又唔訓得真係慘~
最後平安落左車~ 第一次去到日本高速車站~ 睇電視見過D站好似有好多野食
我就行左去睇下順手去個洗手間~ 書童唔去就坐向車站!

由於大雨關係我無帶個相機去 所以只係影左向便利店買既包2個~¥220

穿過D車就係休息站啦~ 有個超多格的洗手間有兩大間便利店~
仲有檔好多生果買的檔口~有D食店咁啦!

我問書童 "裝" 咩...佢話睇下有無車wow...但點降咁鬼鼠呢?

一路 keep 住落雨~ 長途巴士來得好密下~ 不過好多都係去福岡~

有得睇D車仲有幾耐到~ 有無塞車...但我地搭個架行行下唔見左...

唔好搭錯方向

有車了~ 上到車又向 booking 見到我個名啦~ 無book都可以上既!
架車D位好大下好舒服~ 仲有電影睇~ 一開車門佢自己會收埋!
車程都要一小時有多~ 食返個向湯布院買的豆腐布丁先~ 兩個 ¥462

一個芝麻豆腐~ 一個豆腐布丁~ 都好食~
架巴士去到小倉站我地就要行去酒店...雨勢一直持續~
由於貪平揀左間離車站成七、八鐘酒店...如果唔落雨都唔遠既...
小倉ベイホテル第一

一晚二人只需 ¥5300 明天仲有早餐食~ 真係十分十分之平! 個沖亮房仲好大!

 

 電視係高清來的~

酒店對出就係小倉港

休息一會~ 就同呀媽行去小倉車站附近~ 仲有D店未收行下藥房、100YEN店買左D野
本來係想食壽司咖~ 因為K小姐話向小倉食過幾好食...但行來行去都唔多有心水店
最後見到有燒餅店~ 就入左去食啦~ 不過由於叫錯關係...叫左文字燒...

傳統文字燒~

創作文字燒~ 芝士漢堡扒有飯又有麵~ 勁呀

炒炒炒~ 炒熟d 菜先~

再圍兩個大花圈~ 加埋d粉醬

ok了~ 等食!

食完佢地真係"流"死左 二人加埋 ¥1899

今日戰利品十分之重!!! 6個蘋果只需¥298

向房入面總會聞到陣臭味...最後發現兇手原來係白果!
D白果真係好臭...一大陣木酸味...呀媽仲想放向床頭窗到吹...真係想死...
咁多白果係 ¥680 返HK有食到~ 真係幾煙UN...
希望明天唔好落雨啦~ 四月來個時你已經落唔停咖啦!