Q! 小姐飲飲食食遊記+港女自駕遊~: DAY6 09年1月30日親子溫泉九州之旅

今日8點鐘到起身啦~天陰陰無落雨都好好彩了~ 早上窗口望得清小倉港啦!

9點2啦~去食早餐先!

上到去都無咩人~少少地野食~免費的東西都係OK啦~魚就鞋鞋地~

上面餐廳全大玻璃比你睇下風景~
好啦食飽飽就返房羅齊野出發啦~
今日會去門司港、下關羅齊野放車站LOCKER啦~ 費時放向酒店又返去羅了!

書童兩隻手都羅晒野~ D野食太大盒了~

¥400 放好晒野輕輕鬆鬆出發啦!

本來打算去小倉個旦過市場但食飽左同我地咩住都好多野了~
去到見到野想買都買唔到~ 都係唔去了!

咁就行去小倉城啦! 差不多到了~

聘珍樓~ 應該係中餐...

小倉其中一條橋~ 全木造的

行緊去小倉城~

見到小倉城啦!

原來行錯方向~ 係去唔到小倉城~ 去左間八坂神社

好大個人面!! 唔知咩係節分祭

真係好大咖!

入左去就係咁啦~

睇一睇就可以走啦

D白鴿好開心有人請食野

一見到人就以為有野食~ 真係為食!

行返去小倉城啦~ 都係無入去~ 影完相走了!

行來時侯見到有巴士寫去門司港~ 由於唔想行去返去JR站就試下搭巴士啦!

沿途都經過好多地方~

到了! 大概搭左50分鐘每人¥370

行到去車站 12點啦~ 我又來左啦~ 門司港!

旧門司三井倶楽部

上次來落雨都唔可以同佢影相~ 今次影返啦~

成日都好想試下燒咖哩~ 不過要食其他野唔食得 >_<

比起四月起碼無落雨! 太好啦!

國際友好圖書館

通常條橋一小時開一次~ 不過中午12點唔開的~

旧大阪商船

向門司港D手信店行下~買下~試食下就走得啦~

舊地重遊~ 路程一樣~ 少左D雨~ GOOD! 條橋都比上次清好多~

等緊船~單程 ¥390

關門海峽大橋

D人可能怕凍~ 唔出來等船...無人的! 去其他地方的船~

向碼頭聽到音樂聲~ 遠遠見到條橋打開左~

YO~ 有船了~

今日唔知係唔係好大浪定係呀女船長手船太勁~ 十個拋!

到了~ 本來打算好天行去燈塔影相~ 唔駛去啦!

手信店~

打算同書童食雞泡魚咖~ 不過去左唐戶市場先!

上次因大雨關係見到唐戶市場都無入去...緣慳一面~
時隔半年舊地重遊仍是下雨天! 不過好彩今次有傘終於可以去了
一入門口就知出事了~ 好多都收晒啦! 書童應該有D失望!

不過見入面仲好光就行埋入去先啦!

行到入去見到好多呀嬸落力叫賣緊~ 有好多100YEN 壽司! 即時開心晒...
來呢到主要都係睇下有咩海鮮可以即時食~ 海鮮檔就收晒~ 新鮮壽司都唔錯!
每檔壽司都差不多不過見到有D超肥美吞拿魚都唔平! 六七百YEN一件
檔檔都睇下有幾百YEN魚生飯, 熱辣辣海鮮味憎湯, 炸雞泡魚~

不過我地都係主攻壽司啦~ 我同書童都鐘意食嘛!

第一時間買左CD一樣大既扇貝~ 500YEN! 熱辣辣出晒煙~ 味道都不錯! 鮮甜!
入面有四五檔壽司~ 不過我唔食WASABI所以睇岩都要問下有無WASABI先

貴過100YEN既壽司間間都每件平100YEN! 折左後

200YEN/件海膽, 200YEN/件活扇貝, 100YEN/件穴子, 100YEN/鰻魚
海膽都係唔夠第一次向築地食咁鮮甜~ 但都好甜下!
扇貝有第二間100YEN...不過呢間無WASABI同多個活字~ 是但啦食啦!
真係好鮮甜同爽口~ 十分好食~ 橙色個D係辣蘿蔔蓉
最後到鰻魚同穴子鰻魚~ 深色鰻魚可以不吃~ 因為穴子太好味太抵了!
呢盤向第二檔買~ 加埋700YEN~ 海膽佢寫特級係200YEN 不過真係好食過上面

蝦係300YEN~ 十分爽口鮮甜~ 三文魚同白色個魚每件100YEN!
食係快過買咖~ 買完野上一層會有位置同台比人坐向到食~ 真係好!

食完返樓下又買多兩件! 難得無 WASABI岩我食! 比多 400YEN
真係好味到不得了! 好大隻~ 鮮甜得來爽口~ 正呀!!
今餐食左500+900+700+400 TOTAL 2500YEN二人為起一人100港幣
食飽出來又好大雨啦! 去行手信舖食下野~ 買野啦! 今次食唔到雞泡魚啦飽晒了!

紅白相對~ 希望再有機會來一定要好天!

行完買完~ 搭巴士去JR下關~

向下關到個百貨公司行左陣先返小倉~

4點鬆D返到小倉啦~

之前定左搭巴士返福岡咖~ 不過最後都係搭新幹線唔想行了~ 哈哈

書童好勁去一次日本咩交通都差不多搭晒啦~ 新幹線都搭埋啦~ ¥2050

再見啦小倉多謝你今朝無落雨!
新幹線十多分鐘就到博多~ 第一時間就去comfort hotel 酒店CHECK IN放底野先!
我就自己去搭地鐵返之前天神酒店羅返個o急返來先!
羅完野返酒店就自己去左車站附近睇下有咩好食~ 書童休息中!
向車站地下街行下買下野再去睇野食~ 行完就返酒店叫書童去開餐!