DAY 7A 09年1月31日親子溫泉九州之旅-太宰府天滿宮

冬天住日本酒店最怕就係暖氣! 住返上次住過好幾晚的コンフォートホテル博多

以為佢無窗就會有冷氣...完全錯晒! 照樣都係熱死人暖氣...
好彩佢窗前有一個通風口...唔係我同書童真係怕熱死左!

今日唔趕時間成九點幾先去食早餐...D麵包飯團都比會人食晒了!
飯團得返一個比我食左!  呢到我食的!

書童食的!

好貪心羅左3包湯~HEHE

酒店對正車站~ 不過今次整緊樓唔靚了!

都係天陰陰啦! 最緊要唔好落雨!

地鐵太貴~　我地去左搭巴士! 　一人只需 ¥100就可以去到天神!

咪咪摩摩咁又十點幾啦!

由於怕落雨本來係柳川加太宰府! 依家只去太宰府...唔可以去柳川坐艇仔了

到天神搭西鐵去太宰府~ 來回 ¥390

無特快~ 普遍都上啦~ 慢少少

45分鐘都唔駛就到左太宰府了!

出車站超大風...差D凍死我...我仲要今日無帶頸巾
出車站就見到有人賣蔬果...書童見到D大梨好想好想買...我話行完返來先買啦!
佢就好驚比人買晒話買左先啦..四大個梨 ¥210有! 佢覺得好平!
由於太凍關係我係無影到個檔口...真係太凍太凍了!

先羅地圖~ 順手給埋印仔! 粉藍色好靚咖!

出發搵方向! 唔識行唔緊要~ 跟住人行就OK啦! 到了商店街!

兩旁都是手信舖! 有好多好多的梅枝餅

向日本睇電視見過佢~ 有好多地方的 HELLO KITTY

仲有MONCHICHI~ 我都買左隻紅色比自己 好似八百幾YEN

書童走左去睇人地整梅枝餅!
行過晒D店舖就到啦!

每年都有超多人來的 太宰府天滿宮

點解咁多人來? 因為太宰府天滿宮係祭奉著學問之神─菅原道真

要同佢合照都幾難咖! 個門口長期都好多人向到影相!

書童見咁多人洗手當然去埋一份啦!

好難先咁少人

入到去~ 果然厲害! 超多人!

鯉魚下面都有唔少錢!

撞岩有人結婚~

真係好多人排隊拜神咖!

幾多學生!

 天滿宮的梅花會比其他早開~所以標誌都有朵梅花

上去要拜要比錢咖!

我地去既時侯d梅花都係未開! 真可惜!

來來去去都係好多人!

皇后之梅都無用呀!
未開!得一兩粒開左~ d花黄色咖! 遲一星期應該會開晒了!

睇日劇話開寺廟都係一門生意真係無錯! 樣樣野都唔平咖!

次次都想寫返個...次次都無寫~哈哈

D字太靚要影呀! 開左學羅! 希望你入到福岡大學啦!

似係櫻花

跟指示走會行左去第二度

見到有馬騮雜技~ 佢好叻咖、識做好多野咖!

最後仲要佢好似女士咁坐!

仲有檔口賣盤栽! 見唔到樹既梅花唔緊要~呢到滿開啦!

咁細都開左啦! 二千幾YEN

呢個勁呀~ 我睇過唔係 [痴] 上去咖

呢個就未開啦!

D樹真係好多年~ 我話佢識生毛~ 哈哈

出返來了~

最緊要搵隻神牛影相! 摸下佢隻角! 我今年都要考兩次試要佢保佑下!

又見到D識生毛既老樹! 呢棵超老! 勁大勁高!

仲有幾檔小食~ 當然要買來食下~

係你啦!

仲有你呀!

一牛一豬都係差不多樣~ 寫漏左幾錢應該 ¥500一串

梅枝餅傳說可驅除病魔~ 買一個試下啦 ¥105~ 都好似我地既中式豆沙餅!

新鮮熱辣出爐面係好脆~  都幾好食

好似永遠都係咁多人咁!

見到有燒米餅! 要食呀! ¥150 夠熱夠脆! 正!

有音樂咖~

行到無野行就走啦! 因又開始落雨啦! 走啦!