第七天-PART 2 一人行之白色東歐10年2月19日

今程車比較長時間要2個半小時先到達české budějovice，車費只需CZK100！

今朝個早餐就係向車食左，咁就唔駛餓親啦，GOOD！
車站入面有電子板睇時間之後再搭車去 českz krumlov  CZK32！

大概半小時車程到啦～～ 見到彩繒塔，可以準備落車了！

上車同落車都係同一個站

落車過馬路上斜就係入城路
其實仲有一條路不過無人行過唔就行，都係行條大路先！

呢條死人石頭路真係拉行李都拉死我啦，行左我超過半小時！！

到達民宿 NA OSTROVE 填個表，比埋錢同羅鎖匙咁就上房放好野啦！
一連住兩晚合共CZK1580

民宿出面係已經好清楚見到彩繪塔，佢係城內最古老建築物！

呢到好明顯係遊客區，腳架都未開好已經有香港人叫我同佢地影相！

我都係中意靠自己腳架影張相

環境十分寧靜仲有唔小鴨

同住既地方真係超近呢！

CK城堡一部份

夏天會有人玩激流～

時侯不早啦因為怕朝早又白濛濛，所以快D周圍影相！

全個CK小鎮都被列入世界遺產，所以經常都見到昨天的屋仔

間間屋都有D特色咖！

D屋仔靚靚呀，好多間都唔同樣！

行行下要上斜。。。都幾斜咖~ 好明顯係教堂

行下行下見到今晚想食晚飯既餐廳！

上斜之後繼續行有個公園仔可以影下CK景

又是白色的世界，就快5點 所以天開始黑啦！

白痴Q小姐又向到自己同自己影相，好忙呀！
好彩我入公園快，之後見到有一兩團旅行團啦！

無野做就早D去食飯啦， 又係地窖餐廳！

呢個地窖餐廳真係太有情調，入面黑黑地啦最光就係有支蠟燭

叫左野食就先上一藍麵包係一藍，D包比較重同帶濕

SOUP OF THE DAY 超大碗，好好味好多料仲叫多杯可樂 ！

燒豬手超大隻，十個食過都讚，佢係燒到好脆可惜我唔食芥辣等於無汁
我就最怕食無汁既野，我覺得同食燒肉係無咩分別！
食食下有3位HK小姐入來仲同左我搭訕，食飽又無咩做就過去傾下計！
叫多杯可樂坐下傾下，因為出到去都係無咩好做！

D豬手、肉呀就係向到燒！
今餐我本來有8折咖，但掛住傾計埋單都忘記左呢回事，蝕晒！今餐CZK295
食飽飽就離開餐廳，2位HK小姐同其他遊客講得興高采烈仲講緊

佢另一位朋友等左陣都唔等走左啦，哈哈

咁我就一個人走啦，返民宿附近影下夜景！
現在大概晚上8點到向HK都仲係好早，不過呢到真係好寧靜！

周圍影完就回民宿啦

洗手間乾淨，捷克每間民宿都整晒左企浴

房間剛剛好唔會太大

請你食個糖

又係冬季奧運會。。。係唔係無其他既野做呢？？
由於有WIFI我都唔會太悶既可以UPLOAD手機影左既相上FACEBOOK！