第一天-PART 2 一人行之白色東歐10年2月13日

民宿係向 KALVIN TER 地鐵站，上到站見到有位疑似華人女士...
但見佢無叫我就以為唔係佢，但行多兩步唔係喎，向BLOG張相好似係佢

我就係住呢到啦

我無問佢有無電梯，點知真係無，主人NICLOE好好人同我一齊抬o急

我住向二樓，唔搬行李都無咩野，棟大廈無野，夠地道

不過佢側邊D欄杆我真係幾驚下，唔好睇佢好似好靚

到了，我會一連住兩晚，EUR55 兩晚
放抵野，整理下自己，三點前出門口

民宿附近既建築物已經夠晒古老

要認下路返去

附近就有間美術館

行返出去第一件事就去換錢先，呢到個　RATE正常好多有 1EUR有266HUF
有錢就先買左張 3DAY PASS  3400HUF

另外一題，地鐵站扶手電梯真係超快，去過試下就知

第一站先去 MOSZKVA TER 上城堡山！
肚仔餓，見地鐵站有間　PRINCESS賣麵包

最安全揀左芝士包 200HUF 好味呀，好多芝士向入面，不過估唔到佢係甜既！
出到站都無睇地圖，跟人行去高既地方搭巴士啦~哈哈
出地鐵站左手面直行上樓梯向斜路既巴士就係啦

 

巴士一路係上斜，大既幾個站就到，睇路落車啦
今日雖然天灰灰，唔好落雨就得啦，一落車就去到聖三位一體廣場

OH~ 維修緊有咖啦，馬提亞斯教堂

屋頂係Ｄ馬賽克來

最想去聖堡山既漁夫堡

實物原來唔算大，不過都幾靚咖，幾童話ＦＥＥＬ

影光Ｄ就白Ｄ啦

城堡山另一風景，多瑙河

鎖鏈橋

仲有國會大廈

大大小小城堡頭都有好幾個

藍天會更靚呢

呢面竟然封左

今日個天灰灰，不過唔緊要漁夫堡一樣咁得意

我第一次用腳架影相呀，不過可惜買唔到個 REMOTE

因為無 REMOTE 所以要SET 時間，有時D相都會光左D

唔維修就覺得佢高既馬提亞斯教堂

本來打算向上面HIGH TEA一下...但無帶旅遊書出來，又唔記得邊間就無食到

行完漁夫堡無咩頭緒行邊

周圍行下啦

前面係一個人都無，其實我後面有一團歐洲人

因為唔知要行幾耐，見有巴士就上車啦，見差不多落山就落車

近距離的鎖鏈橋

多瑙河AGAIN

行下行下就見到布達皇宮

影到好似珍珠呀

再來~

布達皇宮依家變左做博物館同國家畫廊

勁似之前韓劇ＩＲＩＳ向布達佩斯拍戲場景

主要都係周圍行下啦，個天越來越黑了

點不知布達皇宮後面開始出晚霞

ＯＫ呀~　顏色唔錯

皇宮隔離有登山纜車

入去問下，我個ＰＡＳＳ唔用得所以做無搭了

之後就慢慢行落山...搵個靚位影夜景，不過沿路都係雪要好小心行

一條友白白痴痴０度向到等天黑

新腳架加新鏡頭真係唔平咖...可以去多半次歐洲

所以一定要試下影靚Ｄ

影完都只不過係五點幾，大家唔好以為好夜

落山係行小路好多雪向地下...行到尾竟然係多雪到無路...幾驚撻落地下
終於行到去大路，都唔好掉以輕心，好易撻落地下咖，冬天一定要好小心

呢個就係上山既纜車啦

見我影相咁近鎖鏈橋就知唔會太遠，纜車站對面就係啦

見人上網話佢無舌頭~ 我真係有　'裝'　下咖

我覺得佢同英國條 TOWER BRIDGE 都幾似咖

不過佢就比 TOWER BRIDGE 平實D

 行過橋對面有沿多瑙河都有一大片空地，不過舖滿晒雪，仲要幾大風咖
不過我當然唔可以放過佢地，點都影返幾張先啦

布達皇宮

之後就睇地圖行去搭地鐵，想搵飯食啦，又累又餓了！
不過一路行，睇地圖附近又好似有聖史帝芬大教堂

又累又餓都係行左去聖史帝芬大教堂

因為太近既關係係影唔晒

當時只不過6點幾~ 不過我都唔肯定可唔可以入去...
因為門口坐左人向到唔知派咩傳單...所以我都係唔試下入去啦

唔入去就行遠D影相啦-聖史帝芬大教堂
之後真係真係好肚餓啦，真係要食飯啦！
教堂附近有兩間餐廳咖...不過佢門口個MENU全部都係匈牙利文...

最後又行呀行呀行到去 DEAK FERENCE TER地鐵站前
有麥當勞 同 PIZZA 睇過MENU 見 PIZZA 有意粉食就佢啦！

我叫可樂，唔係叫酒呀...得一杯仔...

叫左個蕃茄湯~ 岩我呀~ 酸酸地開胃呀，杰杰地飽肚呀

仲有叫左個長通粉，我先頭以為D肉好貴...一塊肉都見唔到
原來佢地比D長通粉遮住，入面有好多，不過係雞胸來...鞋左DD
個意粉都幾好食，不過食到尾好漏呀...我竟然食唔晒
佢來既時候我真係覺得佢好細咖~ 第一餐正餐食左 3520HUF

食飽飽，返民宿啦，見到男主人係鬼佬來的
洗完白白就睇下地圖，畫定明天方位啦，再早抖啦