第二天-PART 3 一人行之白色東歐10年2月14日

今日布達佩斯既景點已經睇完啦，返民宿羅好野就去浸溫泉啦

先搭地鐵去 SZECHENYI FURDO 係向今朝市民公園附近

 

一出站我係一路向以前行，或者跟住人行啦你會覺得D人好似去游水咁

因為我實在太肚餓了，好難得見到有野食即時要買 800HUF

佢係甜飽來咖...不過向零度既天氣下食同向雪櫃到羅出來無分別
十分之凍同硬硬地，不過由於佢好太舊食左一半無食了

見到黃色既建築物就一定無行錯

布達佩斯最吸引我除了鎖鏈橋夜景，就是這個 Szechenyi Bath！

唔講都唔知布達佩斯係一個溫泉鄉，市入面有不少溫泉，

 Szechenyi Bath係歐洲最大的溫泉之一

旅遊書話收7點半係錯咖，佢係收成10點的

一入大堂周圍排滿人，收錢櫃台開左四個都收唔切錢！入場費是3250 HUF

比左錢會比一個類似手表的手帶，手帶在LOCKER按鈕按上按下就自動鎖上
更衣地方係無遮無擋，
毛巾、清洗用品請自備，最好就可以帶上拖鞋
只睇建築物外面真係無人知佢係溫泉，同皇宮都有幾分相似！
更衣完畢就可以到室外或室內溫泉了。。。

 向零度既天氣我要超快速影完相。。。室外就分左3 PART

泳池呢PART唔係夏天都唔好去！凍咖。。。我試左。。。

仲有一PART最多人，擁有最出名就係可以一路浸溫泉一路捉西洋棋！

我真係懶得行到最遠。。。零度。。。我真係影幾張就算了！

入面係室內溫泉。。。不過無去過。。。浸左入水再出水真係好凍咖！
溫泉溫度係比暖為熱，所以浸好耐都唔會過凍或過熱！

呢個轉轉轉我玩左好耐，按摩池就永遠都是滿！

我要去收埋個相機浸溫泉啦！

我咁鐘意浸溫泉，當然由天光浸到天黑！

天黑又是另一番風味！

溫泉開到晚上10點～ 所以幾時都咁多人～ 不過又唔會覺得迫！

真係好舒服咖！
最後沖身地方都係無遮無擋，洗頭水沖亮液自備呀，不過我兩樣都忘記帶

一齊OK就掉返個帶落機到可以走啦！
入面都有機吹風乾頭髮既...不過就真係比較細風...

出返來個天真係黑晒啦！差不多六點啦去搵飯食了！

因為要轉線 DEAK TER 呢個站經常都會經過

之後搭地鐵去 Ferenciektere站

一行上站就見到想搵到餐廳，真方便！

呢間餐廳係向蘋果旅遊網見到

入到去我以為太早所以一個人都無，原來D人去晒吸煙區

入面裝修都幾靚，唔講唔知前身原來係修道院來！

向外國點好餐就比一藍麵包你，不過東歐D麵包我覺得比較濕係唔脆

先點個匈牙利好出名的 Goulash Soup 真係好紅呢 HUF＄1600

入面有好多料，薯仔、紅蘿蔔、大量牛肉粒，牛肉好淋！GOOD！
望落好似羅宋湯，但佢用左匈牙利
甜椒粉同辣椒粉又唔同味
肉味仲好濃下，外國湯SIZE 飲一個都半飽，用來點下麵包食仲飽！

主菜上場...你無睇錯...我無叫錯...佢唔係牛扒、唔係猪扒...係鵝肝
如果我無記錯我應該係叫左呢個，價錢無WEB SITE 咁貴！HUF＄4900
Hungarian style goose foie gras withfresh “lecsó”
(Hungarian ratatouille),potato chips and celery puree(spicy)

個鵝肝真係大到嚇親我...切開入口半生熟之餘一陣鵝油香...
真係真係好流呀...所以我食一次就真係夠啦！
薯仔我都流到食左幾舊就食唔到。。。

我真係好想食甜品，不過比鵝肝KO左了！
兩樣加埋再加一HUF＄7150，大概港幣＄280到 應該唔貴啦！

食飽飽餐廳斜對面就係超級市場，當然要入去行陣啦
行完就走人了

少少地剛剛買既戰利品，超平