第一天-上海世博四天團10年6月24日

世博咁 HOT完全跳過晒之前D遊記呀~
今次係我第一次帶飛機團，有呢個機會真係好難得！
因為平日一至五都要返工...點可能帶到飛機團...好彩今次係總公司同公司包團，
員工只需二千幾就可去世博，而且機位搶手老細就好好比我帶啦！

今日搭上海東方航空 0805起飛呀...六點集合...我5點幾就去到機場...
因為機位問題今團係19人計埋我就20個!
六點幾各團友順利CHECK IN...到我既時侯問題來了...
出機票個人都唔係路咖...我姓歐陽就入左姓區...我真係XXX！收到機票個日
已知有呢個問題，但出票個間話OK...不過地勤主任話怕上海個面唔比上機...
所以要等到7點鬆D改返好個姓...我搭咁多次飛機都未試過呀!
由於我係最遲入閘...去到閘口已經係開左始上機...但見閘口無咩人...
團友又一個都唔見我就以為大家都上晒機...點不知錯晒啦...
閘口無人...飛機上面都係無人...團友同其他客都未上機...
即時叫左人同返我出去...幾唔好意思呀...
出到去先開始見人影呀。。。真係。。。

飛機順利起飛，好快就食個早餐先。。。改名都整到我無時間去食早餐！


話咁快就去到上海...接待以為我地搭下團既港龍...去左二號大樓...
等搭左十幾廿分鐘先見到人影...真係鬧得少...因為旅遊車泊左向二號大樓
仲要團友行過去...真係真係無話可說!

順利到酒樓，好快手上菜，大家都好快食晒完 ，今餐既餐標只是¥25
味道正常，餸菜夠熱～ OK啦！相係第一輪仲有未到！

團餐餐廳入口

 

食飽飽都不用太多時間就去到世博入口附近
各位團友我地好快就到啦！

WOW～ 呢到只是一部份旅遊車！

我地係8號口入場

1點10先過晒安檢等大家！

導遊都未介紹有D團友已經好心急走左～ 解散了~ 哈

我本來打算一個人去影相，但同左班比較熟既同事一齊行！

USA 你想點呀？勁似機場裝石油桶

睇相都見到天陰啦，但又無雨喎，勁正呀，因為唔熱！

¥10一程未坐過
8號口一入就係C區~ 中南美洲區~

因為見無咩人，就好快入左阿根廷館

其實都係睇電視多

南非都唔係好多人排左一陣

有個超大足球D人好中意拍佢羅

一入去有隻好大既珠仔獅子，用珠仔加鐵線整成！

世界杯吉祥物？

D ’登’ 好舒服羅

之後一行人去左呢到做印仔黨，超正自出自入唔駛排隊！

佢都似係一比一

呢個型呀

呢到GOOD呀～ 大家影不停！

一定要留影一張！

塊面真係超大

大家周圍給下印仔行下行下

影完呢張相我就同團友走失左啦～ 哈 一個人繼續周圍行啦！

我向入面係行左個幾鐘先出來～ 睇下個電話原來團友係有搵過我的～哈

浦東同浦西都有既巡遊

如果三十幾度要著到咁真慘！

團友原來集合坐底食野了

休息完畢大家就搭船去浦西行下！

一落喬喬就有記念品店，睇下有無PASSPORT賣...行左個圈都唔見!

最後原來PASSPORT係收埋放向收銀櫃要問先有!

一本向自己公司買...藍色就剛剛買 ¥30

又話浦西無咁多人...呃人既...

大家見到條龍都唔想排

買個雪糕食好過啦~ 日本產業館出面既京都綠茶雪糕 ¥20~ 真係同日本一樣味!

韓國產業館

石油館~ 又叫油立方~ 哈哈

人龍....

太空館

可口可樂~ 唔駛諗~ 又是人龍

個大可樂就幾靚既KEEP住識變～

唔入去影下相就算啦！

去買野到睇下世博板可樂 4支 ¥120 我當然無買啦！

上海企業聯合館

 點解保險都有館？？ 廣告館來咖？

油立方開燈啦~ YEAH! 靚WOW!!!

真係同水立方有D似既~

影埋佢就返去搵食煙唔行既團友啦！

時間六點幾有人提議食晚飯，但我唔餓羅，不過大家都諗住食少少算啦！
可惜買個人似乎唔知大家都唔係太餓

一條都無食過

小籠包係買左六籠...十分厚皮...真係唔得羅!

小雲吞係好似買左8碗咖...見到嚇死我呀!!

我真係唔餓呀...仲要咁多粒...咁多隻...食完真係好想 X

8點啦要搭船返去啦! 九點要集合呢!

向船到影~ 世博中心!

都係向船影!

 話咁快就到啦!

一落船就係日本館，雨開始落啦！

越南館唔駛排呀~ 入去行個圈給印仔

入面唔係咁大都同團友走失左...向門口等啦!

YEAH~ 見到韓國館啦~ 真係OK喎~ 銀色加彩色都好靚!

影完就搵車搭返去8號口啦...集合點真係超遠呀...行死人...
做領隊同團友最後到~ 哈哈!! 齊人上車返酒店都九點幾啦!
好順利派晒房就同導遊去循房，間酒店OK呀，床夠大，洗手間乾淨！
仲去左團友房到上網搵D高層講既餐廳!