澳門：氹仔禮記酒家魚翅

澳門第一餐竟然係食魚翅太過份~ 因為銀河有免費車去氹仔市區好方便~ 食個午餐先返去玩水

水蟹粥我就唔岩啦咁貴! 12點又無理由食葡餐...見魚翅有少少吸引OK啦!

前一晚上網立下眼都睇過下D魚翅有見過禮記見人都話OK!

先叫左個 冰陣凍蝦 $75 咖!!! 隻碟真係好細~ 蝦都幾爽叫有酒味有蝦味! 試一次都OK既!

花膠海参雞煲中鮑翅 應該係$158

D湯白雪雪我仲以為佢來錯左因為我叫花膠海参以為一定係打茨~

後來錨下錨下搵到D差不多煲溶左既海参同花膠!

百幾蚊想比咩翅你呀~ 我收晒貨啦~ D湯夠晒味~ 入面都有唔少雞肉...餓既話叫個白飯撈啦~ 哈
飲完個翅個嘴真係有D膠膠地都幾OK呀~ 埋單記得就好似要加一應該係 $257

特此聲明我無特別鼓勵人地食魚翅...不過我自己會食...立法唔比食既話我就唔食啦!