DAY 2 - B 東京草津11年3月4日

向房休息一下就羅齊野準備出街去浸溫泉~

我地明明係住向溫泉酒店點解仲要出街浸溫泉呢? 哈

草津溫泉有百幾百歷史~ 少不了百年溫泉老街，睇日本電視節目有介紹過呢~

溫泉街仲有樣好重要既野~ 就係溫泉饅頭! 你睇個圖就知d人幾時就開始食啦!

雖然係老街不過好多賣既野都係新~

呢d和式銀包仔向日本買真係幾貴的~

日式茶室
沿路仲唔駛錢一人食左一隻溫泉饅頭~ 免費試食係食一隻...真大方~

現滾溫泉蛋~

以前食個d都係一隻一隻咁買...呢到係一盒成6隻...點食呢?

來到草津一定要去西之河原公園浸個公眾溫泉~

草津周圍見到既都係溫泉水~ d溫泉水真係多到呀...

夠晒日式地道

做咩你去到邊都露點呀~

我媽要扮我 V 字影相WOW~ 哈哈

個公園有好幾個池~ 個個都識出煙'

周圍都出煙呀~ 真係溫泉區!

個個池都有名

千奇唔好點D水呀~ 睇都知道好熱!!!

3月都仲有咁多雪真開心!

呢都連續有好幾個鳥居~ 仲有勁多既雪~ 靚呀!

白雪加煙真係去日本係最好既風景~

地藏王出現啦~ 仲有冬裝~

D居民一定知道佢好凍~ 哇哈哈~

WOW~ 呢到D水沖熱呀!!!

長年累月~ 池底都有唔少礦物~ 因為係硫磺泉水~ 錢和水入面10日8日會開始溶咖!

仲有個佛

西之河原露天風呂係要入場費的¥500位~
不過BOOK溫泉酒店時揀左可以送一人一張慳返成百蚊咖!

橋來咖~ 幾多雪~

行到去溫泉啦~

我去浸溫泉啦~ 入口有LOCKER 既~ 有貴重野可以鎖起佢~
入到去個露天溫泉真係好大~ 有成十幾廿個人都唔會覺得迫呀~
因為唔影得相張相係 WEB SITE 提供，個池真係好大好舒服~
池除左有D好大既石，水中仲有石"登" 可以坐住浸~ SO NICE!!!

溫泉當然無限你浸幾耐啦~ 但都唔會浸得好耐~ 大半個小時就走得~
去到草津記住一定要去浸呀~ 真係正!

會唔會係我地浸完既溫泉?

浸完溫泉個人比較暖唔係太陽落左山都幾凍

唔知D樹係唔係吸收得太多礦物? 樹皮D顏色真特別

Q子就係我啦~ 隻兔係呀媽劃...仲要加多個子...兔子因為係兔年WOW...

見有時間行左上去睇下...不過冬天  CLOSE 呀~

沿路都係商店

呀媽問咁厚雪D人點返屋企? 我既答案係唔駛返~ 都欄住左唔駛返~ 哈哈

歷史悠久叫奈良屋~ 當然貴過我地個間啦

5點幾個天真係要黑啦~ 池底幾多礦物
入夜天氣凍就仲大煙

未夠鐘食飯我地就周圍行下手信店

盒盒都唔平~ 當然係無買啦~ 因為 KITKAT 真係太甜了

好耐以前食過特大燒餅

成百蚊一盒我會買其他野!!!

OH~ 開燈啦~

 點解我隻眼細左咁多既?? 唔夠訓?

開左燈個池即時靚晒~ D水幾清!

木箱上面都係玻璃來的~ 周圍都係溫泉酒店!

呢面都係溫泉酒店~

返房準備食飯啦~

上到房影返張先~ 開住窗真係好凍呢!!!

酒店 LOBBY 放左D 女兒節公仔~ 我都唔知女兒節點解要放呢D公仔

天皇

最高係代表天皇天后

6點啦~ 可以開始食飯~ 今晚係 BUFFET 中意食咩自己羅啦~ D食物好多都裝好一份份好精美

樣樣食D都唔少野

日式蒸蛋真係好好味~ 入面仲有好多料~~

日式意粉好味道~ 仲有好多菌~~~ 帶子刺身沙律勁好味!!! 食左好多~ 係好大隻既帶子片成!

呢個係一SET 法式?? 魚係即煎~ 唔錯呀! 個煮蘋果都好味!呀~

左面個日本煮蘿蔔都幾好味~ 右面長果個天婦羅係全場最難食既野~ 唔脆同唔知咩來...硬既...

煮和牛當然都要試下啦~ 好淋~ 不過我唔中意佢咁瘦!

上面食左咁多野都幾飽咖~ 不過樣樣都想試下~ 冷烏冬都幾好味!

日式蒸蛋真係好好味...好飽都要食多個!!!

開始甜品時侯啦~ 不過呢到唔係太多甜哈~ 最好味就係呢D布丁!

仲有去要左煮既甜蘋果~ 真係好味道~ 煮左仲係爽爽地!

呢兩個就無咩記憶應該係普普通通

D 提子係入口??? 好酸呀!!!

呢D就好甜啦!

食飽飽~ 返房休息下~ 影埋個夜景先~ 不過真係超凍呀~

休息夠就去浸酒店個溫泉啦!

同一個地方有兩種溫泉~ 露天同室內係唔同泉源~

草津既名物~ 明天會睇佢點用!

我去浸溫泉啦! 凍冰冰浸露天溫泉真係好舒服~~~ 去日本唔浸溫泉真係唔得呀!!!

日本自動售賣機d野飲真係十分吸引~ 除左粟米湯仲有紅豆沙~ 我都係第一次見~ 哈

d 桃汁幾吸引!

返房可以做既野當然係睇電視啦~ 要休息休息!!!
如果我住向日本就死羅~ 可能個個月都要去浸溫泉!!!