DAY 1-2 沙巴三人HEA住遊13年6月11-12日

OH 第3次搭AIRASIA ~ 今次張機票係2012年9月 時買~
收工就同埋C姨姨搭的士去機場~

3個人連埋每位1個飛機餐係 $4217 ok啦~ 除返開每人 $1400到

11點去到沙巴~ 我同兩位呀嬸分開左...佢地係第7行...我係25行!!!
我叫左佢地自己去排隊先~ 我行到去就剛好過關~ very good!!!
同泰國一樣 寫張的士紙比埋 RM30 就從未試過咁快去到酒店~

一連3晚住 Hotel Sixty3 向 BOOKING.COM 訂 3晚 RM840~ CHECK OUT 時先比

房間平得來 VERY OK啦~ 我地住 FAMILY ROOM~ 兩大床~ 同睇相一樣~ 住得過
因為食左飛機餐大家都唔餓~ 所以都無落街食宵夜~ 訓啦~ 明天先食啦

一覺訓到天光~ 出去食第1餐啦~

酒店已經係向 GAYA STREET 食出名既野全部都好易行到

 1-10分鐘就行到必到食店

今日第1站人人讚好怡豐叻沙~

無冷氣咖...搵個大風扇下面坐啦~ 入面當然勁多人啦~

 凍拉茶~ 好多泡泡呢~

熱拉荼~ 都好多泡泡呢

最出名的叻沙來了~ 佢係好食的~ 特別係唔食得辣既人...佢濃得來係溫和
我會覺得辣D會正D~

 食埋D人話好好好食既雞飯...FB 比人問做咩一早就要食煲仔飯....

唔中意淋飯既人唔好食啦~ 超淋...我都OK~ 味道正常就叫好食啦 今餐RM24.8

 食飽飽行兩行~

好容易就發現到美麗華超市

之後就行左去 WISMA MERDEKA 到換馬幣~ 入面有幾間自己格下價

 商場入面有間娘惹定印尼糕點好多人買~ C嬸嬸去左排下

好易估邊位係 C 嬸嬸呀?

我都等左幾耐下 向對面買左兩個山芋酥...@RM1.3 甜左D羅

換好錢返酒店~ 5分鐘內就行到
返到酒店執野出島玩水啦~ 行十分鐘到就去到碼頭

 

 

 RM125.6 我地只去一個島~ 來回船+上島費+2個MASK+2件救生+1張沙灘席

諗住只去一個唔駛咁趕~ 12點先到碼頭揀左5點先走...

加既野就係咁寫向紙上面~ 向碼頭等船時比埋

出現時天氣都尚可~ 點不知果日係好大浪...坐大飛 "登" 到呀媽都唔認得....嚇死兩位呀嬸

 "登"呀 "登"呀 "登" 左十幾廿分鐘去到 MAMUTIK ISLAND
仲要比上島費...無得愉雞...RM10位

落船去左d人介紹左面既沙灘

 今日大浪~ D水都唔係好清...搵個位熱下身就去玩~

其實除左今日之後日日都好好天...我真係好彩...最差天氣個日出左島!!!

島上面唔算好多人既~ 不過都有幾十人~　都幾多魚

短暫出左十幾分鐘陽光叫做靚D清D~

玩左個幾鐘我媽叫左我上水啦...因為對面海閃電...

兩點時終於暴雨啦!!! 係十個大...3點,4點既船都無位啦~ 我只可乖乖地等5點既船

 C 嬸嬸買既糕點~ 呢個唔係甜既~ GOOD!
好彩有個大涼亭我地可以等到夠鐘~ 之前D船我相信有位上都唔敢上啦...成個海同天都係白色
回程船我地先好笑初初開船開得唔快咖~ 我同呀媽仲好開心唔登...點不知原來係架船太多水
個馬拉仔 "筆" 緊水先開咁慢...之後就 PK啦...仲慘過來個時極速、片灣、拋船離座咩都出齊...
最慘落緊雨架船咁快D水打埋來係勁凍...玩過山車都係3分鐘...呢個船硬食15分鐘...
真係一路坐一路X!!! 落船我相信無一個人個身係乾羅~ 好彩我都向酒店帶左D大毛巾去...
3個濕住身行返酒店...2位呀嬸話聽日比幾百蚊佢佢地都唔會去... 哈哈

沖好亮整好野6點幾就再出發~ 都有少雨

 行左廿分鐘就去到雙天、華興、珍珠海鮮大排榴~
本來係打算食雙天但D海鮮好似放得好散唔多吸引

 

老虎蝦要食就食最大~

我話要刺身食法~ 呀叔話1隻夠3個人食~

呢D 唔食啦~

最後我地係食華興~ 揀好就等食啦!!!

好多人咖~

佢好乖向到等食...可惜有得食既時候佢比呀姐趕走左...

要錢咖~ 比起HK 平好多~

桔仔水～　桔仔冰～

炒象拔旁仔～　真係好鮮甜～

 白灼明蝦～　又爽～又鮮甜~

最大ＳＩＺＥ虎蝦刺身～　真係好爽．．．但真係甜都唔甜下～　食一次好啦！

炸蝦頭都好多蝦肉～

 一大一細蟹~ 大個隻都ok大咖~

個白胡椒汁 very good!!!　但蟹肉就唔算勁鮮甜～

星班~ 無 HK 個D咁鞋...但又未係勁滑~ Ｃ嬸嬸話蒸過龍左少少．．．
我就百幾港幣唔好太高要求

 今餐有眼見~ 食左 RM295.8~７百幾港幣

OH~ YEAH~ 第一晚就見到你地啦~

由於間間都話自己係貓山KING~ 間間都唔算平~ 有D仲用勁大隻泰國榴槤扮...
好掛住檳城D榴槤~ 最後睇岩心水睇左兩盒~ 左邊 RM35 加右面 RM15
叫做食過啦~ 左面貴D係真係好食D~ 無咁濕同濃味D~ 甜D~