第五天-PART 2 一人行之白色東歐10年2月17日

搵到今日HIGH TEA 地方，其實我唔餓不過都要食咖！

維也納好出名食 Sachertorte 既 DEMEL

其實行到去我都唔知係 DEMEL，我係比個 DISPLAY 吸引左

個 DISPLAY 幾靚

入到去見到 D CAKE 就知啦！

我真係想買咖，但只可以KEEP幾日...唔通我自己食晒佢咩...

包裝精美，可惜唔可以買！

你地會唔會太貴呢？諗左好耐...都係無買...五十幾蚊做手信...NO LA!

行完購物區就係搵位食野，有成幾層自己搵位啦！

先叫杯咖啡先～ 不過呢隻係CREAM另上好特別呀！

呢件就係好出名既 Sachertorte
面層朱古力咬落口係粉粉地有少許酸味唔會好甜，GOOD 呀！
以前我係唔食朱古力蛋糕，但經過今次東歐之旅都開始食，
不過只限特濃朱古力蛋糕好〔流〕個D啦～哈哈

砌緊 Sachertorte蛋糕

隻馬係蛋糕來咖...唔知真係會以為係雕像！Sachertorte＋咖啡一共 EUR 8.2

  食飽飽又周圍行下買手信了，呢間係旅遊書介紹 JILIUS MEINL！

好多莫札特朱古力呀~ 都唔平咖

太大包啦...唔係都考慮買包返來

好多味道朱古力！
周圍行多陣～經常見到既馬車～又影

經常行來行去的Graben大道

我向維也納來來去去都好似成日向到咁～哈哈

行多陣就去埋超級市場買埋手信！
有D地方都完全忘記左去...就提早離開維也納
3點幾返民宿羅行李同交房租今日終於見到女主人啦!

撘10分鐘巴士就去到 RENNWEG 火車站

買呢張車票考起我啦...個車站係無售票站...我以為搭車個層會有但都係無...
搵左段時間終於搵到部售票機...禁下禁下就禁到目的地！
個幾鐘車程將會去到捷克第一站!車費只是 EUR4！同昨天相比真係差太多啦！

我向呢張圖都搵到我要去既站，無問題啦！

無票賣咖，好似我地既火車站咁！

係你啦! 無等錯!

架火車係上下兩層，我坐樓梯隔離就可睇實我個行李啦！

之前架車好多人咖~ 但行下少D行下少D...應該入左捷克後就無咩人啦！

架車由天光行到天黑！ 進入捷克後火車沿路都無燈了！

小貓一、兩隻都仲有既~

到了捷克啦! ZNOJMO~ 因為搭早一班車六點半就到左啦！

見到有巴士搭...不過一來唔知可以搭邊架...二來無捷克幣呀!

只不過其中之一段路...之後行斜路我都無時間影!
聞說火車站同市中心有一段距離我都有心離準備，不過條路又長又斜就
真係推得耐都幾累咖！好彩我睇地圖真係好叻，唔會行錯！
最後行到去民宿真係超過半小時呀！我完全未試過可以行咁耐！
去到民宿門口其實佢真係唔似民宿，似經濟酒店...但問題來啦...成間野係無人...
門鐘係無人應...最後真係唔對路用漫遊打左個電話!
因為屋主以為我9點幾到既關係...佢地開緊唔知咩PARTY...佢叫我等5分鐘!
天寒地凍...做左個無家可歸的遊人！
晚上7點幾女主人同囡囡揸車返來，有得入房啦！

好大呀! 成棟民宿係得我一個...

洗手間好乾淨~ 每間房都有，真係一d都唔似民宿！
休息一會就出動啦，屋主係住向第二到就同佢地bye bye！

叫做市中心啦～ 民宿行來就好快！
向呢條無人夜街用信用卡禁左2000捷克幣

本來打算搵野食...但你見啦...8點幾...無人咖...餐廳都唔多間
民宿對面都有野食既...不過係pizza...no啦...唔食啦...其他都係一兩間cafe...
不過全部都係捷克文...oh no...算啦唔食一晚羅!

今日向維也納買既手信!
返到民宿睇下冬季奧運會...食下香港帶來既 乾酥餅 咁就一晚啦!