好耐無去旅行啦! [我知我呢句好多人都會想打我!]
今次搭朝早十一點幾機! 四點先可以訓...太多野做了! 一向都要訓8個鐘既我完全唔肯起身...最後9點先向屋企樓下出發羅... 由於搭巴士真係幾耐下...10點都應該去唔到機場...我竟然要去搭話以後都唔會搭既機鐵...天呀...又無左成$90啦!
9點9就到左機場啦~ 今次搭 JET STAR 係向 TERMINAL 2! 機鐵既好處就一落車就到啦~ 去到等左兩個字先見到朋友仔行到來...
JET STAR 張機票仲差過 OX!
係要轉巴士上機咖! 架機好FULL 下啦~ 放腳位超迫! 腳長人士真係唔好搭呀!
JETSTAR 平我一D都唔覺羅! $990 加TAX $588 佢D TAX雜費貴過CX同星航!
但黑仔既我CX同星航過左PROMOTION...唯有揀JETSTAR啦...
上到機當然咩都無啦~ 野食野飲~ 都要比錢! 我地打左一陣機就訓左LU!
3點幾就到左新加坡啦~ 我地過關既時候四方八面都係大陸人! 好明顯佢地國慶放長假! 超多人啦~ 過完關去羅行李~ 耐到人地正想收埋我地行李啦~ 之後去換埋錢 [香港換高D! 但無時間換] 就搭的士去搵人地表姑啦! $13.5
一陣間就到左啦~ 表姑公司樓下~ 放低兩個O急羅埋電話卡~ 搭車卡我地就出發啦!
新加坡八達通!
我地先要搭巴士去地鐵站! 好快~ 一陣就到啦~ 去到BEDOK 地鐵站
搭好幾個站去 CITY HALL 先!
A出口就有個商場啦~ 見到STARBUCKS 飲返杯先啦~ 成日都未飲過野! S$6.1
搵好方向就去搵蔡瀾介紹既逸群 海南雞飯啦~ [朋友仔指定]
行左5-10分鐘好順利咁搵到啦~
入面個餐牌係無價錢咖...我地唯有只叫兩樣安全D啦! 留返個肚食其他野啦!
一杯柑桔水
半隻雞, 雜錦炒魚膘, 兩個飯! 魚膘竟然快過雞來...
個魚膘炒得好好食啦~ 不過D魚膘真係唔算多~ 個雞油飯都好香~ 咸咸地好似食開個D咁羅!
食左一大半隻雞到啦~ 好好食當然講唔上啦~ 滑羅~ 但D雞唔夠咸~
佢台有黑鼓油, 薑蓉, 酸辣汁! 但三樣食落都有苦味...完全唔得啦! 食完當然有D失望啦!
因個個都話新加坡是但一間海南雞都好好食! 佢地呃我!
今餐食左 S$35.6 真係唔平咖...可能魚鰾貴啦!
食完就行左去D商場行下啦~ 朋友仔係SHOPPING 專家...
行完商場就去埋搵 讚美教堂~ 影返張相啦~
行到八點幾大家都支力啦! 表姑仲未打來話收工! 咁我地就搵個地方飲杯野啦~
好多生果既果汁! $5.9
有個水池仔咖~
終於收到表姑電話啦~ 佢收工啦~同我地羅個O急返屋先再出BEDOK地鐵站搵我地!
最後佢約左我地向 BEDOK 出面既FOODCOURT 等!
等既期間我地當然要行個圈睇下一陣買咩食啦!
10終於見到表姑啦由於兩個都無帶牙刷行左去一個好似香港舊屋村既地方買野!
買完返去FOODCOURT 買野食啦~ 入有好多檔野食~大家買既都差不多啦~!
一袋二袋好似好多野食咁! 買完搭巴士返屋企啦~
[左] 串燒 10串 S$3.5
[右] 蠔蛋 中 S$4
[左] 炸香蕉 S$2
[右] 水粿 4個 S$1
炒麵中 S$4
除左炒麵全部都好食! 因唔係我叫! 個水粿唔好見佢咁樣都幾好食咖! 炸香蕉係超好食!
串燒都OK! 不過太耐唔係好熱!
食飽飽! 上左一陣網! 洗白白訓啦~
沒有留言:
張貼留言