第三天07年1月26日 北海道落雪溫泉之旅 + 一日東京路過之旅

今日7點要起身啦~ 8點半車去旭川~ 我地昨晚就執好呢幾日既衫呀~雜物呀~

咩住個大背郎出發啦~ 向酒店寄好左兩個大o急~

講好左29號返來來羅~ 放4日都唔駛比錢既! 幾好~

今朝總算無落雪啦~ 我地慢慢行去 JR~ 搭個幾鐘車梗係要買個便當食啦~

呢到D便當平過東京好多~ 咁大個都係 680YEN! 坐好~好快開車啦~ 即刻食晒個便當啦~

 昨晚都無食飯~飲埋樽奶茶~飽晒~ 我終於買到炒麵麵包啦~
上次向東京都無見~ 我當然唔係依家食啦~ 留返遲D食!

個幾鐘車~我又唔眼訓影下相睇下景啦~

咁早已經好多人搭車啦~

望出去全部都係雪景~ 好想訓落去羅~

10點我地到左旭川啦~ 一出閘D日本人沖晒去LOCKER 到~ 我地都霸住一個先~

放晒D重野~ 咩一個袋就算啦~順手去埋洗手間...原來個面勁多LOCKER!!
我地向車站要做一樣好緊要既野~就係打電話BOOK 破冰船啦~打去又日又英都 BOOK 唔到~
個電話唔岩~ 應該係打左去唔知咩辦公室! 佢比左個電話我~ 同書一樣~ 但係打極都唔通咖!!!
最後唯有放棄啦...打左好多錢羅...3,4百YEN 都有啦!! 呃錢電話!!!

出到來都唔係好凍~ 好快就揾到個巴士站啦~

一去到睇住架車走...但個站仲有好多人~我諗太多人架車上唔晒~ 

等左一陣好快有車啦~上到車 勁熱啦~ D 日本人仲可以唔除褸!! 勁~ 

11點4 去到啦~

一行到入到去就知企鵝散步開始啦~ D 人多呢~

等左一陣就見到佢地行出來~ 好得意呀~ 等佢地行晒出來排好

就向前行啦~

終於等到佢地行到前面啦~ 真係好想摸下佢!! 得意得佢呀!!

 
話咁快就佢地就返到個館到啦~ 向到睇佢地排隊跳水好得意啦~

睇完企鵝就睇其他動物啦~ 有D第一次睇TIM! 我地無行晒D區~ 睇下 D 未見過就算啦~

上面個妹好好開心係個地到玩雪羅! 真好!!

呢到D主角之一! 北極熊~ 佢遊得太快啦~ 好難影呢~

 睇完1點啦~ 朋友仔肚餓~ 我地就去左餐廳食d野啦~ 我之前向出面食左個包啦~ 

我就叫左個 粟米湯咋 130yen

食完野出來又落雪啦~ 咁我地快快手睇埋海師就走啦~ 佢游得仲快過北極熊! 仲難影!!

我地無睇幾點先有車... 點半鐘就咁出左來... 要成2點先有車呀...我地企左半個鐘... 蠢左tim...

 先頭走買左個布丁~ 依家咁得閒企向到食羅~ 210yen

2點幾我地就搭返車出旭川啦~  一落車就係東橫inn~ 咁我地就入去check 下mail 呀~ 去下toilet~
佢打local 電話唔駛錢!! 我又打去book 破冰雪!! 但好明顯個number 係一定打唔通羅...
整好晒我地就去行下街街啦~ 我地7點車仲有成4個鐘~ 可以慢慢行啦~ 大家向西武買左唔少野咖~

行到5點鐘我地就去左梅光軒食拉麵啦...見d網友咁推崇! 梗係要試下啦...

可能我唔記得寫低邊個好食啦~ 我叫左鹽味粟米叉燒拉麵!! well 我覺得普普通通啦~
但一定好食過 hk個d!但又無人講得咁好~ 不過食食下會覺得好味D!
佢個麵幾好~ 食食下都食得晒! 800YEN

食完又行返去啦行過啦~ 下SUPER MARKET 個到~ 但佢唔係好多野食檔~

揀來揀去揀左個便當今晚食啦...我怕肚餓無野食MA~ 又買左布丁~ 士多啤梨~ 就行去搭JR 啦~

 又係落雪啦~ -3度~ 都唔係好凍~

   上車LU!!!  成4個鐘頭車程可以做咩?

食下野羅... 我地係無印買左個朱古力士多啤梨雪糕完全忙記左食...拿拿聲開來食啦~溶溶地啦~ 

朋友仔合眼訓!! 我都好似訓左...搭到一大半既時候...見D人起晒身...嚇死我以為要轉車...
但見D人又無羅野...原來係轉方向...轉位...由於我地唔識轉...後面個人同我地轉埋...
即刻安安心心坐返低啦...之後都嚇醒左啦~食埋個布丁~傾下計到啦~

11點到啦~~~ 來到網走啦~

我地間酒店就係車站對面...我諗住咁多次酒店...佢真係最近咖啦!!!

 

間房都OK 大!

 

 

呀朋友仔話想落去沖亮... 唔係温泉來咖~ 佢話夜MAMA 無人想去沖...

沖到成1點幾先上返去... 上到去食士多啤梨啦~ 好甜呀~~ 我唔餓咖...

個便當本來唔食咖~ 諗住聽朝先食...但我怕變呀...都係食左...飽到呢... 504YEN
我地差唔多成兩點先訓呀... 同埋我地係要開窗羅...間房太熱啦...

第三日既戰利品!!!

有用資料!

旭山動物園 http://www5.city.asahikawa.hokkaido.jp/asahiyamazoo/

大家去網走住呢間啦~ 真係近到無人有

ホテルルートイン網走  http://www.route-inn.co.jp/frame/fabashiri.htm