DAY3-沙巴之旅 2015年1月12日

今日兩位第一次來沙巴嘅團友去咗出島

我同另外兩位都已經嚟過所以我哋就唔去～ 訓～訓～訓～

瞓到十一點幾～　我哋十二點零終於出動！

今日應該係黑仔日先去 secret recipe 搬左～
再去搵東昇班魚旦又放幾日假！ 再去埋怡豐食喇沙又放假！！

接受現實下 見到怡豐隔離五星海南雞有開就食佢啦～ 我哋唔想再行啦！

三條友早餐

雞都幾好食～ 好滑唔錯～

鹹蛋炒苦瓜同炒菜都好好食～今餐食咗 ＲＭ63.5

食飽我哋就返酒店 hea 住等團友！

三點幾導遊叫左佢朋友車我地去行shopping點 ～ 睇日落～ 食海鮮～ 做Spa

我呢四位團友好鍾意買嘢～ 沙巴雪茄即買即食～　佢地！

再去有專人帶你食朱古力～ 價錢都唔貴！ 佢哋都買左唔少～ 佢哋專登要求去！

之後就車左去　Pantai Tanjung Aru　等睇日落～ 雖然日落我都冇乜期望～

 今次上網search見到好多人要飲呢個牛油果芒果飲品 ～RM35.5 唔知買左幾多杯

 算吧啦~ 次次都唔會响沙巴睇到靚嘅日落~ 大家其實對日落都冇興趣就走啦~

之後車我哋去食海鮮～

今次又係去食華興

日日都係飲呢啲

今次冇做老陳~唔食虎蝦~ 奶油海蝦就算!

白灼海蝦 再加燒雞翼

呢啲係好平嘅

琵琶蝦係十分之貴~ 白胡椒炒蟹我好鍾意食!

最後一定要食埋椰;青布甸~

之後陪四位團友去做Spa~ 我只係陪佢哋去! 之後導遊朋友車我返酒店~

我見時間尚早就一條友走咗去行超市

左邊係今日朱古力店嘅總戰利品~ 右邊係我小小嘅戰利品!

之後佢地差不多完~ 我自己行去榴槤街等佢哋~ 又食啦!

昨天餓鬼投胎無理濃味淡味~ 睇岩就食~
今日又淡食起~ 又係食咗三個~ 仲貴過琴日食左RM240
食完我地就慢慢行返酒店