DAY3B-九州之旅升級自駕遊 2015年12月3日

揸到見到櫻島啦！仲有火車送埋～ 08年我都係坐火車去咖~

我媽影得最好算係呢張！ 背面見唔到火山有煙～ 佢前排先爆完！

鹿兒島市區都幾多車咖！

路過見到道之駅緊係要落車啦！不知不覺揸左2個幾鐘~~

呢個站我係準備回程時來~ 經過就去埋啦

200yen!!! 鹿兒島蕃薯200yen!!!

    有得試食！ 佢地真係好甜呀！要買啦～ 呀媽話蕃薯擺成星期都唔怕

返到香港食種子島安納芋580yen 係真係好甜好甜好甜！
普通鹿兒島蕃薯其實都好甜！ 真係一定要買呀～

   仲有買下其他野

見到有琵琶同蕃薯雪糕～ 各一變左午餐！ 食完都飽晒

兩個都好食！ 無記錯應該係蕃薯滑d 琵琶有d似雪葩

之後跟 GPS 行先發現原來set 個時揀錯路~ 我係想經池田湖去砂浴館!!!
點不知我地行左唔經池田湖!!! 直接到左砂浴館 ><

去到砂浴館附近已覺得D 路有D熟口面! 架車仲經過埋佢...得啦泊車吧啦！
等我仲成日叫我媽睇下有無個尖尖地既山 ^_^

入去比錢羅浴衣加埋要毛巾仔¥1080 x 2~ 換完衫就可以出去啦~

鹿兒島咁出名一定要帶呀媽來!

我媽

去比人埋啦~ d毛巾仔就係咁用!

今次我有帶埋個電話出去~ 佢會幫你影相!! 同我影相係位後生仔...
佢d 攝影技術真係差到無朋友... 得呢張見到我地個樣咋~

影完相佢會搵個保鮮袋仔同你袋住個電話~

砂浴唔埋得耐~ 十分鐘要起身~ 起身後真係覺得個人鬆左咖～

玩完砂浴~ 返入去沖亮~換返衫走人~

 我已經放棄去池田湖~ SET左去西大山駅~ 跟住GPS同加埋 google 都唔掂...
去唔到目的地... 條條路都好細~唔似去到車站~ 又無指示牌...好驚入到好難出...又放棄左...
最後行到有條路見有得轉返出去~ 又有幾架車泊向到~ 就呢到啦影影相算吧!!!

呢條已經係大路...唔敢入個D仲細好驚入左唔識轉出返去~ 留向安全地方好D
其實我已經向其他路調左兩次頭...

我媽最中意見到D 瓜瓜菜菜~ 岩啦~ 成地荷蘭豆 ~

仲有塊南瓜地~ 超多南瓜~

西大山駅應該係向附近 不過我搵唔到之嘛

路軌就有條~ 我睇 GPS 係向呢個方向行咖...

    呢到風景都唔錯呀~ 自己安慰下自己! 哈哈!!

5點個天仲光光地~ 就快d走啦 出返市區都要成粒鐘