DAY 2A-西葡自駕遊 17年1月29日-卡塞雷斯 Cáceres

 

琴日兩個都冇食晚餐~ 今日梗係要一早去食早餐...其實都唔早成9點了

薯仔蛋批夠晒飽

牛肉卷

基本上出邊攞嘅嘢都係唔熱嘅~ 如果想食熱野有個menu 可叫佢即煮

我呢啲唔蝕底梗係要叫一個試吓啦！蘑菇蛋~ 好好味~ 好多蘑菇!

食多少少啦~ 仲食埋生果~

餐廳環境唔錯~ 晚餐都唔平咖!

返房休息下~ 執埋野準備走啦~

琴日都冇影下酒店 10.50AM~ 比埋泊車錢€15 我地就離開酒店~

之後沿 A-66高速揸左個幾鐘 1230PM經過油站就入油同去個洗手間~

今個旅程第一次入油發生咗啲好白痴既事...向司機位搵咗好耐都搵唔油箱制...
睇埋說明書都冇...個油站又係自助...自己入完油去俾錢...
等左一陣終於見到有個揸寶馬嘅嬸嬸剛好停我後面...佢都唔係好識英文啊
不過大概以為我唔識入油啦...原來個油箱係向車身就咁禁落去就開我...我真係諗都冇諗過...
其實我一開始都試過不過我冇大力禁落去...只係試吓掀起個油箱蓋！

入完油講自己係邊個Number入去俾錢就得架啦

入完油泊低架車~ 去洗手間時順手行行啦 ~ D火腿真係好大陣味！

阿媽見到佢哋即時買咗兩包～ 呀媽無花果話平！幾好食！

案發地點～　又學識多樣野啦！其實就咁樣開到個油箱咪好危險囉．．．比人加水點算？

雖然唔係好多嘢行～　都好過冇啦！繼續開車～

1345PM 我地就去到 卡塞雷斯 Cáceres~ 去歐洲要好好搵定停車場!

 

呢個站係中途站~ 因為車程太長中間睇吓有咩地方值得停留~

Ayuntamiento de Cáceres 市政廳~

WIKI

卡塞雷斯（西班牙語：Cáceres）西班牙城市，是卡塞雷斯省的首府。

卡塞雷斯城是羅馬人在公元前25年建立的。歷史上這一帶經歷了許多戰爭。穆斯林統治時期修建的光塔至今仍有30座保存。老城區還保留了古代的城牆，裏面是一片完整的中世紀城鎮，沒有受到任何現代建築破壞。由於混合了古羅馬、伊斯蘭、哥特和意大利文藝復興多種風格的建築，卡塞雷斯老城區在1986年被UNESCO登錄為世界文化遺產。

又係 世界文化遺產

周圍行下啦 好似去咗馬耳他咁

全個鎮應該都係呢個教堂最特別~  Iglesia de San Francisco Javier

又上又落~

當然又係要比錢啦~

行返落去啦~

咁就行咗一個圈落返去廣場~

澳門啲路牌

今日星期日...GOOGLE MAP 搵左幾間超市唔係收左就休息...今晚仲要住 APARTMENT...

我地行左1粒鐘..泊車只係 €0.8...會唔會真係太平...走啦~

掛住睇gps Hi 左落搏到，好彩個搏得咁矮！
即時搵位停一停~
順手扮無野睇下風景羅~

嚇親後~ 發現架車係無事既...開心晒~ 一樣咁靚仔~